Kniha pra historyju savieckich dysidentaŭ vyjhrała Pulitceraŭskuju premiju
Pulitceraŭskuju premiju 2025 hoda za najlepšuju navukova-papularnuju knihu atrymaŭ amierykanski historyk Bendžamin Natans za pracu «Za pośpiech našaj bieznadziejnaj spravy» pra historyju savieckaha dysidenckaha ruchu, piša Rasijskaja słužba Radyjo Svaboda
797-staronkavaja kniha vyjšła ŭ 2024 hodzie ŭ vydaviectvie Princeton University Press. Abapirajučysia na dziońniki, miemuary, asabistyja listy, intervju i pratakoły dopytaŭ KDB, kniha raskazvaje pra toje, jak «dysidenty vyrašyli vykarystoŭvać savieckaje zakanadaŭstva dla strymlivańnia ŭłady savieckaj dziaržavy, — havorycca ŭ jaje anatacyi. — U niesvabodnaj krainie jany pačali pavodzić siabie jak svabodnyja ludzi».
Natans — dacent prestyžnaha Piensilvanskaha ŭniviersiteta. Za pieramohu jon atrymaje ŭznaharodu ŭ 15 tysiač dołaraŭ. Akramia knihi pra dysidentaŭ, jon taksama źjaŭlajecca aŭtaram pracy pra historyju jaŭrejaŭ u Rasijskaj impieryi «Za rysaj asiełaści».
«Ja chacieŭ dać im takuju historyju, u jakoj vyvieŭ by ich na pieršy płan, ale sudziŭ by pra ich nie tolki pa mocnych, ale i pa słabych bakach, nie tolki pa praniklivaści, ale i pa ślepacie, i pieradusim — razhladaŭ by ich u savieckim kantekście, u jakim jany, jak mnie padajecca, na svaim zakonnym miescy», — skazaŭ jon u intervju RS.
Amierykanskaja Pulitceraŭskaja premija — adna z samych prestyžnych uznaharod u halinie žurnalistyki, litaratury i muzyki. Jana prysudžajecca za pracy na anhlijskaj movie, što ŭpieršyniu vyjšli na rynku ZŠA.
-
U Hiermanii mužčyn pryzyŭnoha ŭzrostu abaviazali ŭzhadniać z Bundeśvieram praciahły vyjezd za miažu
-
Śpikier armianskaha parłamienta: Armienija moža vyjści z ADKB i JEAES, kali Maskva budzie iści na abvastreńnie
-
U Niepale hornyja pravadniki pravakavali «hornuju chvarobu» ŭ turystaŭ, kab na hetym uzbahačacca
Ciapier čytajuć
U milicejskim konkursie pryhažości pieramahła amapaŭka, jakaja ŭ 2020 hodie razhaniała pratesty46
Kamientary