Minułaj nočču ŭ vyniku rasijskaha ŭdaru pa Charkavie paciarpieli jak minimum čatyry čałavieki, paviedamiŭ mer horada Ihar Cierachaŭ.
Pavodle jaho słoŭ, nalot bieśpiłotnikaŭ praciahvaŭsia dźvie hadziny.
Byli zafiksavanyja 20 vybuchaŭ i ŭzharańniaŭ. Asabliva mocny pažar uźnik na adnym z hałoŭnych rynkaŭ Charkava. Akramia taho, paškodžanyja pryvatnyja damy i handlovy centr.
U Šaŭčenkaŭskim rajonie hareŭ dach i pakoj pryvatnaha žyłoha doma na płoščy 400 m².
U Kijeŭskim — kramy na terytoryi rynku na płoščy 500 m².
Paškodžana kala 90 i poŭnaściu zhareła 20 handlovych abjektaŭ. Pa inšym adrasie zaharełasia budynina restarana na płoščy 700 m².
U Chaładnahorskim rajonie paškodžany fasad šmatkvaternaha doma. Hareli kijosk, budynak i try aŭtamabili — ahulnaja płošča pažaru skłała 120 m². U Industryjalnym rajonie hareŭ aŭtamabil na płoščy 20 m².
Ciapier čytajuć
«Byŭ upeŭnieny, što ja niedatykalnaja asoba dla rasijan». Pieršaje intervju Jurasia Ziankoviča na svabodzie24
Kamientary