Mintrans zaćvierdziŭ sacyjalnyja standarty na pasažyrskija pieravozki.
U instrukcyi, zaćvierdžanaj Mintransam, prapisana minimalnaja kolkaść rejsaŭ hramadskaha transpartu ŭ roznyja nasielenyja punkty ŭ zaležnaści ad kolkaści žycharoŭ. Tam taksama ŭstanoŭleny patrabavańni pa kolkaści aŭtobusaŭ, tralejbusaŭ i tramvajaŭ u haradach. Dakumient apublikavany na Nacyjanalnym pravavym partale.
Tak, naprykład, va ŭsie administracyjnyja centry sielsavietaŭ pavinna abaviazkova vykonvacca nie mienš za 16 rejsaŭ hramadskaha transpartu na tydzień, a z 2026 hoda — nie mienš za 20 rejsaŭ na tydzień.
U ahraharadki z kolkaściu nasielnictva bolš za 1 tys.čałaviek pavinny być arhanizavany nie mienš za 28 rejsaŭ na tydzień.
U nasielenyja punkty z małoj kolkaściu žycharoŭ (ad 20 da 50 čałaviek) hramadski transpart budzie chadzić nie radziej za 4 razy na tydzień, a kali žycharoŭ bolš za 50, to ŭžo 8 razoŭ na tydzień.
U haradach ŭstanoŭlena minimalnaja kolkaść adzinak hramadskaha transpartu taksama ŭ zaležnaści ad kolkaści žycharoŭ. Naprykład, dla haradoŭ i haradskich pasiołkaŭ z kolkaściu nasielnictva ad 10 da 30 tys.čałaviek pavinna być nie mienš za adzin aŭtobus na 8 tys. čałaviek.
A, naprykład, u Minsku (harady z nasielnictvam zvyš 1 młn čałaviek) adna adzinka haradskoha transpartu pavinna być užo na 2 tys. čałaviek
Ciapier čytajuć
Łukašenku pasadzili na Paradzie ŭ Maskvie z Pašynianam, a Si Czińpina z Pucinym26
Łukašenku pasadzili na Paradzie ŭ Maskvie z Pašynianam, a Si Czińpina z Pucinym
«Moža, bajaŭsia zastavacca ŭ šlubie sa mnoj, bo pracuje na BT». Nastaŭnica, jakaja źjechała praz danosy Bondaravaj, raspaviała pra razvod i žyćcio ŭ emihracyi1515
Kamientary