Mininfarm unios u śpis zabaronienaj litaratury knihu, jakaja ŭvajšła ŭ top-100 najlepšych tvoraŭ XXI stahodździa
Mininfarm papoŭniŭ śpis zabaronienych knih, jakija, na jaho dumku, zdolny nanieści škodu nacyjanalnym intaresam Respubliki Biełaruś. Ciapier u śpis uvajšła kniha, jakuju krytyki ličać kaštoŭnym nabyćciom u mastackaj litaratury.
U śpis zabaronienaj litaratury trapiła kniha «Vobłačny atłas» (anhł. Cloud Atlas ) — raman 2004 hoda brytanskaha piśmieńnika Devida Mitčeła. Jon składajecca z šaści historyj, dziejańnie ŭ jakich adbyvajecca ź siaredziny XIX stahodździa da dalokaj postapakaliptyčnaj budučyni.
Raman uvajšoŭ u top-100 najlepšych knih XXI stahodździ pa viersii haziety The Guardian.
Taksama ŭ «zabaronieny» śpis dadali knihu žurnalistki i žonki ministra zamiežnych spraŭ Polščy Radasłava Sikorskaha En Epłbaum. Heta «Žaleznaja zasłona. Padaŭleńnie Uschodniaj Jeŭropy (1946-1956)».
U śpis taksama trapili adrazu try ramany papularnaha šviedskaha piśmieńnika Fredryka Bakmana — «Miadźviedžy kut», «My suprać vas» i Paśla bury».
Ciapier u śpisie zabaronienaj litaratury 92 knihi.
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy74
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy
«Dziaŭčyna niedzie praź siem siekund užo pikiravała bieź piłota». Siabar deltapłanierysta, jaki raźbiŭsia ŭ Stročycach, raskazaŭ, što pryviało da trahiedyi33
Kamientary