Instahram zabłakavaŭ miedyja pra Varšavu, jakoje stvaryli biełarusy. Aficyjnaja pryčyna — skarhi na post ab rasijskaj prapahandzie
Na momant błakiroŭki na ruskamoŭnuju instahram-staronku The Warsaw, jakuju stvaryli biełarusy, było padpisana 139 tysiač čałaviek. Profil pačali vieści šeść hadoŭ tamu.
Pryčynaj dla błakiroŭki płatforma paznačyła skarhi na publikacyju miedyja ab rasijskaj prapahandzie ŭ Polščy. U joj zhadvalisia akaŭnty, jakija sprabujuć stvaryć pazityŭny vobraz Rasii dla palakaŭ.
Spačatku instahram vydaliŭ post za «raspalvańnie varožaści», ale ŭ administrataraŭ atrymałasia jaho adnavić. Paśla na publikacyju paŭtorna paskardzilisia i sacsietka vydaliła jaho ŭ druhi raz.
Ciapier akaŭnt The Warsaw zabłakavany. Aŭtary kažuć, što spadzievaŭ na viartańnie staronki mała, tamu stvaryli novy akaŭnt i zaklikajuć padpisvacca na jaho.
«Heta nie pieršaja naša błakavańnie, ale mienavita heta vyhladaje najbolš pahroźliva. Tekst pry błakavańni byŭ taki, što «vy možacie padać apielacyju, my razhledzim błakavańnie paŭtorna, ale ŭ vypadku adchileńnia apielacyi akaŭnt budzie vydaleny nazaŭždy». My apielacyju, viadoma, padali, čakajem», — raskazali redaktary miedyja «Našaj Nivie».
U vypadku admovy pa hetaj apielacyi jany płanujuć zmahacca za adnaŭleńnie staronki ŭ tym liku praz sud.
-
Francyja, Hiermanija i Vialikabrytanija papiaredzili Iran pra mahčymaść vajennaha ŭmiašańnia
-
U Techasie mužčyna rasstralaŭ natoŭp kala bara. ŚMI źviazvajuć heta z amierykanskimi ŭdarami pa Iranie
-
ZŠA paćvierdzili vykarystańnie stełs-bambardziroŭščykaŭ B-2 dla ŭdaraŭ pa Iranie. Jany vykanali biespasadačny pieralot praz pałovu śvietu z bazy ŭ Misury
U Poznani hiniekołah vydaliŭ 24‑hadovaj biełaruscy matku i jaječniki bieź jaje zhody. Jamu pahražaje da 20 hadoŭ turmy12
Kamientary
Vam nie padabajecca, što jon nie na biełaruskaj. A što jon vydaleny, to dobra.
Pa vyniku padtrymali rasiejskuju prapahandu.