Амерыканец, затрыманы на чыгунцы пад Маладзечнам, ніяк не звязаны з катастрофай на палігоне
Служба аховы дзяржаўнай мяжы Літвы абвергла інфармацыю, што грамадзянін ЗША, які быў злоўлены ў Маладзечне ў грузавым вагоне, што прыехаў з Літвы, можа быць звязаны з трагедыяй у Падброддзі.
«Служба аховы дзяржаўнай мяжы удакладніла факты, якія могуць быць неяк звязаныя з інфармацыяй беларускага боку. Адразу ж адзначаецца, што тут няма нічога агульнага з падзеямі на палігоне ў Падброддзі. У Літве некалькі тыдняў грамадзянін ЗША знаходзіўся законна. Памежнікі 26 сакавіка размаўлялі з ім на мяжы з Расеяй, на вакзале ў Кібартай, а 27 і 30 сакавіка на мяжы з Беларуссю, каля вакзала ў Кяне», — піша Delfi.lt.
Учора Памежны камітэт Беларусі паведаміў, што ў пустым грузавым вагоне знайшлі 27-гадовага амерыканца, які нелегальна трапіў у Беларусь з Літвы.
На палігоне ў Падброддзі падчас вучэнняў 25 сакавіка затанула машына з чатырма амерыканскімі вайскоўцамі. Учора было ўстаноўлена, што трое вайскоўцаў загінулі, а чацверты не знойдзены.
-
«Нічога не здарыцца з маімі дзецьмі, калі яны не прачытаюць Барто, Маршака, Чукоўскага». Гутарка са стваральніцай блогу «Кніжныя размовы»
-
«Інтэр'еры з Pinterest» і «цэны як у Венецыі». У Гродне на месцы знесенага гістарычнага будынка адкрылі даражэнны буцік-гатэль
-
«Мяне вельмі моцна непакоіць, чыё яно». Гісторыя беларуса, якому ў Польшчы перасадзілі новае сэрца
Ад БНФ да ГРУ. Хто такая Наталля Судлянкова, якой чэхі загадалі пакінуць краіну27
Каментары