Hramadzianin Indyi Dypak Kumar źnik u Biełarusi na šlachu ŭ Jeŭrasajuz. Ciapier u Indyi pačali kryminalnuju spravu ŭ dačynieńni da «turystyčnych ahientaŭ», jakija jaho adpravili ŭ heta padarožža, piša Reform.news na padstavie publikacyi ŭ indyjskaj presie.
Pra źniknieńnie svajho 26-hadovaha syna zajaviŭ Vidžaj Kumar z Łudchijany (štat Piendžab). U žniŭni minułaha hoda jon padaŭ zajavu ŭ palicyju, ale jaho zarehistravali tolki 27 sakavika, piša vydańnie Indian Express.
Pa słovach baćki źnikłaha, Dypak Kumar chacieŭ trapić u Partuhaliju. Jaho baćki źviazalisia z «turystyčnymi ahientami», jakija paabiacali zrabić šenhienskuju vizu ŭ Niderłandy za 13,4 tysiačy dalaraŭ. 24 červienia jaho adpravili ŭ Rasiju praz Dubaj.
Baćka śćviardžaje, što jahonamu synu abiacali pieralot z Rasii prosta ŭ Niderłandy, ale zamiest hetaha adpravili nielehalnym maršrutam praź Biełaruś. Pa słovach baćki, Dypak admoviŭsia ad takoha maršrutu, ale ahient zajaviŭ pra svaje suviazi z rasijskaj armijaj i paabiacaŭ, što jon dabiarecca da Niderłandaŭ za 5 hadzin.
Baćka śćviardžaje, što ludzi ahienta adabrali ŭ syna pašpart i 1500 dalaraŭ.
«27 červienia moj syn pa prośbie ahienta adpraviŭsia ŭ Biełaruś. Jon zastavaŭsia tam niekalki dzion i byŭ na suviazi pa telefonie. Apošni raz ja razmaŭlaŭ ź im 23 lipienia 2024 hoda, i z taho času jahony telefon vyklučany. My nie viedajem, dzie jon znachodzicca», — raskazaŭ baćka Dypaka.
Paśla źniknieńnia syna baćka źviarnuŭsia da ahienta. Toj skazaŭ, što Dypaka zatrymali na miažy i pavinny departavać na radzimu. Jon nibyta pavinien byŭ viarnucca ŭ Deli 15 žniŭnia, ale hetaha nie adbyłosia.
Indyjskaja palicyja raspačała kryminalnuju spravu ŭ dačynieńni da «ahientaŭ» pa artykułach ab machlarstvie i zmovie.
Tysiačy nielehalnych mihrantaŭ ź Biełarusi apynajucca ŭ Hiermanii
Pamiežnuju achovu Polščy chočuć papoŭnić previentyŭnymi hrupami
Na miažy ź Biełaruśsiu litoŭskija pamiežniki zaviarnuli rekordnuju kolkaść nielehalnych mihrantaŭ
«Ja pavinien pazvanić našamu kurataru». Jak zavozili mihrantaŭ u Biełaruś — cikavyja detali ź pierachoplenych telefonnych razmoŭ
Ciapier čytajuć
Fiodar Viktaravič i «Viktar Fiodaravič». Supracoŭnik «Varhiejminha» maje pašpart prykryćcia. Jaho žonka Volha Siamaška — viadomaja žurnalistka12
Kamientary