Kiraŭnik Paŭnočnaj Karei Kim Čen Yn asabista prysutničaŭ na vyprabavańni dvuch novych typaŭ zienitnych rakiet, paviedamiła dziaržahienctva CTAK.
Hałoŭnaje ŭpraŭleńnie rakietabudavańnia Karejskaj Narodna-Demakratyčnaj Respubliki vykanała stralbu madyfikavanymi najnoŭšymi zienitnymi rakietami dvuch typaŭ pa roznych mišeniach dla pravierki ich bajavych charaktarystyk, paviedamlaje ahienctva.
Pavodle jaho źviestak, kiraŭnik krainy naviedaŭ vyprabavańni. Jany pravodzilisia taksama pry ŭdziele niekalkich vysokapastaŭlenych vajskovych čynoŭnikaŭ, jakija aceńvali bajavyja charaktarystyki novych sistem SPA, havorycca ŭ paviedamleńni.
«Padčas stralby aceniena, što najnoŭšaja zienitna-rakietnaja sistema maje vydatnuju bajavuju reaktyŭnaść u dačynieńni da roznych pavietranych celaŭ, uklučajučy ŭdarnyja bieśpiłotniki i kryłatyja rakiety, a sposab jaje dziejańnia i reakcyi zasnavany na aryhinalnaj i śpiecyjalnaj technałohii», śćviardžaje ahienctva.
U apošnija dni situacyja na Karejskim paŭvostravie abvastryłasia na fonie sumiesnych vajskovych vučeńniaŭ ZŠA i Paŭdniovaj Karei, jakija pačalisia 18 žniŭnia, a taksama napiaredadni samitu prezidentaŭ dźviuch krain.
«Ja pieršamajskaje bydła i limita, bazaru nul. Ale blizki da centra pryniaćcia rašeńniaŭ». Što Tur piša pad psieŭdanimam u «ekstremisckim» čacie19
Kamientary