Čynoŭnicu z Homiela, jakaja «zasnuła» na inaŭhuracyi, zrabili kiraŭničkaj abłasnych prafsajuzaŭ
Saviet Homielskaha abłasnoha abjadnańnia prafsajuzaŭ 10 krasavika pravioŭ plenum pa pytańni abrańnia novaha staršyni. Jak i čakałasia, na pasadu kiraŭnicy abłasnych prafsajuzaŭ «abrali» Alenu Kličkoŭskuju, jakaja da hetaha bolš za 10 hadoŭ pracavała kiraŭnicaj spraŭ Homielskaha abłvykankama. Heta taja samaja čynoŭnica, jakaja zasnuła na inaŭhuracyi Łukašenki, piša Flagshtok.
«Abrańnie» Kličkoŭskaj stała tolki farmalnaj praceduraj. Nasamreč jašče ŭ kancy sakavika ŭ abłvykankamie viedali, što jana stanie staršynioj abłasnych prafsajuzaŭ, a sama Kličkoŭskaja ŭzhadniałasia na hetuju pasadu miesiac tamu. Eksces na inaŭhuracyi Alaksandra Łukašenki nijak nie paŭpłyvaŭ na zapłanavanaje pryznačeńnie Kličkoŭskaj. Paviedamlajecca, što ŭ «inaŭhuracyi» Kličkoŭskaj udzielničali kiraŭniki abłvykankama i harvykankama, jakija ŭručyli čynoŭnicy pa bukiecie.
Novaja kiraŭnica prafsajuzaŭ nazvała svaje zadačy na hetaj pasadzie: heta rost kolkaści členaŭ prafsajuza ŭ niedziaržaŭnym siektary ekanomiki (h.zn. — prymus da ŭstupleńnia ŭ praŭładnyja prafsajuzy rabotnikaŭ pryvatnych pradpryjemstvaŭ), a taksama «vychavańnie moładzi, pavieličeńnie hramadzianska-patryjatyčnych akcyj».
Kamientary