Indyja abvinavačvaje Pakistan u hibieli turystaŭ i pahražaje pakinuć jaho biez vady. Krainy na miažy vajny
Paśla taho, jak 22 krasavika ŭ indyjskim horadzie Pałachhamie, što znachodzicca ŭ sprečnaj vobłaści Kašmir, byli zabityja 26 turystaŭ, Indyja abvinavaciła ŭ hetym Pakistan. U vyniku ŭzmacniłasia tradycyjnaje napružańnie pamiž dźviuma krainami. Ciapier spynienyja avijaznosiny i handal, vysłanyja dypłamaty, Indyja vychodzić z Damovy ab vodach, a Pakistan abiacaje rasceńvać sprobu adrezać vodazabieśpiačeńnie jak abviaščeńnie vajny, piša Bi-bi-si.
Indyjskaja palicyja apublikavała imiony traich padazravanych bajevikoŭ i adznačyła, što dvoje ź ich — pakistancy.
23 krasavika ŭviečary Indyja paniziła ŭzrovień dypłamatyčnych adnosin z Pakistanam, amal u dva razy skaraciŭšy kolkaść rabotnikaŭ pasolstvaŭ, abviaściła ab zakryćci adzinaha suchaputnaha pamiežnaha pierachodu pamiž krainami i prypyniła dziejańnie pahadnieńnia pa vodach raki Ind, zaklučanaha ŭ 1960 hodzie. Vizy pakistancaŭ, vydadzienyja pa sistemie vyzvaleńnia ad viz Paŭdniova-Azijackaj asacyjacyi rehijanalnaha supracoŭnictva, buduć anulavanyja ŭ trochdzionny termin.
Urad Pakistana ŭ čaćvier uvioŭ sieryju mier u adkaz: prypyniŭ dziejańnie viz dla hramadzian Indyi, za vyklučeńniem sikchskich pałomnikaŭ, abviaściŭ indyjskich vajskovych daradcaŭ piersonami non hrata i zahadaŭ im pakinuć krainu.
Pavietranaja prastora Pakistana była zakrytaja «dla ŭsich avijalinij, jakija naležać Indyi ci kiravanych Indyjaj», byŭ taksama zakryty asnoŭny pamiežny post Vahoch i spynieny ŭvieś handal, u tym liku tranzit tavaraŭ. Pakistan papiaredziŭ, što lubaja sproba Indyi spynić pastaŭki vady z raki Ind budzie rasceńvacca jak «akt vajny», i adkaz na jaho budzie adpaviednym.
U zajavie pakistanskich uładaŭ havorycca pra adsutnaść «dastaviernaha rasśledavańnia i praviaranych dokazaŭ», a sproby Indyi źviazać ataku ŭ Kašmiry z Pakistanam nazyvajucca «lehkadumnymi, pazbaŭlenymi racyjanalnaści i łohiki».
Sprečka adnosna Kašmiru tryvaje ŭ rehijonie z 1947 hoda, kali ŭtvarylisia niezaležnyja Indyja i Pakistan. Z toj pary krainy pieražyli try vajny.
U indyjskim Kašmiry ŭzbrojenyja bajeviki napali na turystaŭ, dziasiatki zahinułych i paranienych
Navošta Łukašenku spatrebilisia 150 tysiač pakistancaŭ?
Łukašenka: Biełaruś i Pakistan damovilisia vypracavać miechanizm dla pryjezdu pracoŭnych mihrantaŭ
«Jany čamuści dumajuć, što ich zaraz zhvałciać». Prapahanda kinułasia tušyć abureńnie biełarusaŭ 150 tysiačami pakistancaŭ
Ci raście złačynnaść paśla pryjezdu imihrantaŭ? Pravieryli na prykładzie Polščy
Kamientary
na dapamohu brackamu pakistanu.
[Zredahavana]