Šaŭkahrafiju Endy Uorchała i jašče 45 tvoraŭ mastactva vypadkova vykinuli padčas restaŭracyi ratušy.
Redkuju šaŭkahrafiju kultavaha amierykanskaha mastaka Endzi Uorchała mahli vykinuć u śmietnicu padčas restaŭracyi ratušy ŭ niderłandskim Maaschorście.
Razam z pracaj Uorchała ŭ śmietnicu adpravilisia 46 kaštoŭnych tvoraŭ mastactva, piša The Guardian.
U meryi patłumačyli, što hetyja tvory, u tym liku šaŭkahrafija 1980-ch hadoŭ z vyjavaj karalevy Bieatryks Niderłandaŭ, uvachodzili ŭ kalekcyju rajona Uden, jaki try hady tamu abjadnaŭsia ź inšymi rajonami, stvaryŭšy Maaschorst.
Pierad ramontam ratušy skłali invientarny śpis kalekcyi, paśla čaho tvory byli raźmierkavany: častku ź ich pieradali ŭ miascovy muziej, niekatoryja raźmiaścili ŭ novym budynku meryi, a inšyja viarnuli aŭtaram. U pracesie zhubilisia 46 tvoraŭ.
«Chutčej za ŭsio, tvory mastactva byli vypadkova vykinuty razam ź śmiećciem», — zajaviła meryja Maaschorsta paśla atrymańnia spravazdačy ad niezaležnaha śledčaha ahienctva, naniataha dla vyśviatleńnia akaličnaściaŭ zdareńnia.
Ahienctva pryjšło da vysnovy, što pierad rekanstrukcyjaj nie było składziena nijakich praviłaŭ, pracedur abo instrukcyj pa ŭliku, zachoŭvańni, zachavańni i achovie tvoraŭ mastactva.
Mnohija ź ich zachoŭvalisia ŭ padvale meryi padčas ramontu, ale ź imi pavodzili siabie nieabačliva. Niekalki rabot byli paškodžany vadoj — u apošni raz ich bačyli ŭ 2023 hodzie.
«Tak nielha abychodzicca z kaštoŭnymi rečami. Heta surjozny vypadak, kali dziaržaŭnaja majomaść, asabliva mastactva, jakoje maje kulturnuju i histaryčnuju kaštoŭnaść, padviarhajecca takomu nieabačlivamu abychodžańniu… Ale heta zdaryłasia. My škadujem ab hetym», — zajaviŭ mer horada Chans van dier Pas.
Karaleva Bieatryks była častkaj sieryi Uorchała 1985 hoda pad nazvaj Reigning Queens («Kirujučyja karalevy») — cykłu z 16 jarkich partretaŭ čatyroch manarchiń: Lizaviety II ź Vialikabrytanii, Bieatryks ź Niderłandaŭ, Marhrete II z Danii i Ntombi Tvały sa Svazilenda.
Mastak stvaryŭ svaje šaŭkahrafii na asnovie aficyjnych dziaržaŭnych partretaŭ karaleŭ, vybraŭšy mienavita ich, tamu što hetyja vyjavy časta masava repraducyravalisia — naprykład, na markach i banknotach.
U Maaschorście ličać, što šaniec na viartańnie źnikłych tvoraŭ nadzvyčaj mały.
Łukašenka: U 2020 hodzie kala Pałaca Niezaležnaści nie pakistancy biehali20
Kamientary