Łukašenka: U 2020 hodzie kala Pałaca Niezaležnaści nie pakistancy biehali
Razvažajučy pra haračuju temu pryciahnieńnia ŭ Biełaruś pracoŭnych mihrantaŭ z Azii, Łukašenka raptam vyrašyŭ paraŭnać pakistancaŭ ź biełarusami, jakija pratestavali ŭ 2020 hodzie.
Łukašenka siońnia vielmi doŭha i na dźviuch roznych naradach havaryŭ pra pakistanskich mihrantaŭ, jakich jon źbirajecca zaprasić u Biełaruś. Vidavočna, jaho vielmi začapiŭ rezanans u sacyjalnych sietkach.
U hetym rezanansie Łukašenka, jak zvyčajna, abvinavaciŭ biełaruskuju apazicyju — nibyta heta niezaležnyja ŚMI napisali, a nie jon sam skazaŭ, pra 150 tysiač pakistanskich mihrantaŭ dla Biełarusi. Palityk znoŭ abvinavaciŭ biełarusaŭ u tym, što jany pracujuć niedastatkova dobra i naradžajuć mała dziaciej. Pavodle słoŭ Łukašenki, kab nie pryciahvać mihrantaŭ, biełarusy pavinny naradžać pa troje-čaćviora, a to i piaciora dziaciej.
Paśla hetaha Łukašenka pasprabavaŭ supakoić aŭdytoryju. Jon zajaviŭ, što budzie «praśviečvać» usich mihrantaŭ, jakija pryjeduć u krainu. I zahadaŭ adrazu ž vysłać usich, chto parušaje zakon. Łukašenka daručyŭ kiraŭniku Homielskaj vobłaści Ivanu Krupko šukać mihrantaŭ pa ŭsim śviecie, zaprašać ich u rehijon, dać im pracu i ziamlu.
I tut jon raptam vyrašyŭ paraŭnać pakistancaŭ z tymi, chto pratestavaŭ u 2020 hodzie suprać falsifikacyi vybaraŭ i milicejskaha hvałtu biełarusami.
«My nikomu nie dazvolili za hety čas i nie dazvolim pieravaročvać krainu. U 2020 hodzie tut kala Pałaca niezaležnaści nie pakistancy biehali», — z peŭnaj kryŭdaj na biełarusaŭ skazaŭ Łukašenka. Padobna, što ŭ zamienie mihrantami dziasiatkaŭ, a to i socień tysiač niazhodnych ź jaho palitykaj biełarusaŭ, jakija byli vymušanyja vyjechać, jon bačyć nie tolki ekanamičny, ale i palityčny patencyjał.
Darečy, u listapadzie 2024 hoda Łukašenka prylacieŭ u Isłamabad i napeŭna adčuŭ fłešbeki. U momant jaho vizitu pakistanskaja stalica była akružanaja pratestoŭcami, a miesca, dzie Łukašenka sustrakaŭsia ź lidaram Pakistana, znachodziłasia zusim pobač z centralnaj płoščaj, dzie adbyvałasia žorstkaje supraćstajańnie mitynhoŭcaŭ z palicyjaj.
Łukašenka apraŭdvajecca za ideju z pryjezdam 150 tysiač pakistancaŭ — heta, kab «zachavać naš narod»
«Jany čamuści dumajuć, što ich zaraz zhvałciać». Prapahanda kinułasia tušyć abureńnie biełarusaŭ 150 tysiačami pakistancaŭ
Navošta Łukašenku spatrebilisia 150 tysiač pakistancaŭ?
Što značyć pryjezd 150 tysiač mihrantaŭ z Pakistana ŭ Biełaruś: pohlad Ihara Tura
Łukašenka: My chočam z Pakistana śpiecyjalistaŭ, a nie prosta moładź. I najpierš u Baranavičy
Ciapier čytajuć
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim12
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim
Babaryka i Kaleśnikava pahavaryli ź Inhaj Ruhinienie i zaklikali Litvu «dałučycca da dypłamatyčnych namahańniaŭ ZŠA» i «nie prapuścić akno mahčymaściej»3333
Kamientary
Nas...ať jemu na biełarusov, pakistancy, marokancy, kitajcy i russkije jemu namnoho mileje, nužnieje i prijatnieje.
Poka probujet zamieniť nie vsiech biełarusov, a mołodych i rabotajuŝich, eti žie OPASNY dla nieho !
Jemu proŝie zamieniť vsiech biełarusov, - vyhnať biełarusov iz Biełarusi, osobienno tiech, kto nie sohłasien byť russkim, pakistanciem, marokanciem, kitajciem !