«Nieparazumieńnie nakont umoŭ apłaty pracy». Kiraŭnictva «Susiedziaŭ» sustreniecca z rabotnikami kramy, jakaja bastavała ŭ Słucku
Hałoŭny ofis «Susiedziaŭ» prakamientavaŭ infarmacyju ab strajku ŭ kramie ŭ Słucku.
Handlovaja sietka «Susiedzi» apublikavała aficyjnuju zajavu z nahody strajku ŭ kramie ŭ Słucku. U sietcy nazvali toje, što adbyłosia, «niepryjemnym incydentam». Adnak zajavili, što krama adčyniłasia ŭ svoj čas.
«Učora ŭ našaj kramie ŭ horadzie Słucku adbyŭsia niepryjemny incydent — dvoje z 22 supracoŭnikaŭ kramy admovilisia prystupić da svaich abaviazkaŭ.
Tym nie mienš krama ŭ standartnym režymie pačała svaju pracu ŭ 7.00 — pracavali kasy samaabsłuhoŭvańnia, ažyćciaŭlałasia adpusk tavaraŭ pakupnikam, što paćviardžajecca zapisami kamier videanazirańnia», — havorycca ŭ zajavie.
U «Susiedziaŭ» ličać, što prablemy ŭźnikli «z-za nieparazumieńnia asobnymi supracoŭnikami ŭmoŭ apłaty ŭ kampanii». Kiraŭnictva źbirajecca pravieści niečarhovuju sustreču z rabotnikami kramy.
«Dla bolš detalovaha tłumačeńnia ŭsich pieravah pracy ŭ kramie, a taksama form i sposabaŭ materyjalnaha zaachvočvańnia, kiraŭnictvam kampanii, 25 krasavika budzie praviedziena niečarhovaja sustreča z kalektyvam kramy», — paabiacali ŭ «Susiedziaŭ».
Nahadajem, słucki partał paviedamiŭ, što ranicaj 24 krasavika krama «Susiedzi» nie adčyniłasia svoječasova z-za strajku supracoŭnikaŭ. Pavodle infarmacyi vydańnia, paśla pavieličeńnia režymu pracy da 2 hadzin nočy zadač u piersanału stała značna bolš, supracoŭniki nieadnarazova źviartalisia da kiraŭnictva z prośbaj padniać zarpłaty. Mini-strajk staŭ apošniaj kroplaj i sprobaj dastukacca da administracyi sietki.
Paźniej u «Susiedziaŭ» zajavili, što strajku nie było, a pracavać admovilisia nie dzieviać čałaviek, a ŭsiaho dvoje.
Ciapier čytajuć
Masavyja aryšty aficeraŭ prajšli na avijabazie ŭ Mačuliščach — abvinavačvajuć u suviaziach z apazicyjaj43
Masavyja aryšty aficeraŭ prajšli na avijabazie ŭ Mačuliščach — abvinavačvajuć u suviaziach z apazicyjaj
Julijana Šamietaviec z «Kibierpartyzanaŭ» stała maci — raskazvaje pra dekretny adpačynak u ZŠA i toje, ci sapraŭdy možna sumiaščać pracu z maciarynstvam1818
Kamientary