5 maja najmacniejšaj tenisistcy śvietu Arynie Sabalenka spoŭnicca 27 hadoŭ. U jaje spytali napiaredadni śviata, što jana pažadała b sabie i što b chacieła ŭ padarunak.
«Nie adčajvacca — pierš za ŭsio. Mnie stanovicca ŭžo niejak sumna. Pamiataju, była maładoj, padymałasia navierch, hladzieła na ŭzrost inšych — dumała, jakija ŭsie staryja. A ciapier u hetaj roli ŭžo ja. Hladžu na hetych dziaciej: jakija ŭsie zialonyja… A čaho sabie pažadać? Nie bajacca być saboj i nie hladzieć na hetuju strašnuju ličbu ŭ pašparcie. I bolš botaksu», — pažartavała Sabalenka ŭ intervju Bet Boom.
Na pytańnie, što chacieła b atrymać na dzień naradžeńnia, Sabalenka skazała: «Naturalna, ja chaču jachtu, samalot», — ci to žartam, ci to ŭsurjoz skazała jana i dadała. — A kali ščyra, chaču kab usie blizkija byli zdarovyja i ščaślivyja. Zrazumieła, usie chočuć materyjalnaj stabilnaści, pryhožyja damy i mašyny. Kali jość mahčymaść usio heta mieć, vydatna. Ale hałoŭnaje, što ni za jakija hrošy nie kupiš, — heta zdaroŭje».
Ciapier čytajuć
Chto toj nieadekvatny biełarus, jaki lasnuŭ dziciatka hałavoj ab padłohu ŭ maskoŭskim Šaramiećcievie8
Kamientary