Maskva paćvierdziła hatoŭnaść pačać mirnyja pieramovy — MZS Kitaja.
Kiraŭniki Rasii i KNR padčas pieramovaŭ, što adbylisia napiaredadni ŭ Kramli, abmianialisia mierkavańniami z nahody «ukrainskaha kryzisu». Pra heta havorycca ŭ zajavie ministerstva zamiežnych spraŭ Kitaja, apublikavanaj ranicaj 9 maja, paviedamlaje «Mieduza».
Zhodna z paviedamleńniem, Si Czińpin, zakranajučy temu rasijska-ukrainskaj vajny, vystupiŭ za «ahulnuju, usioachopnuju, sumiesnuju i ŭstojlivuju kancepcyju hłabalnaj biaśpieki».
Staršynia KNR taksama vykazaŭ mierkavańnie, što «zakonnyja intaresy biaśpieki ŭsich krain pavinny być uspryniaty surjozna, a karaniovyja pryčyny kryzisu pavinny być likvidavanyja».
Pavodle jaho słoŭ, Kitaj vitaje mirnyja namahańni i spadziajecca na dasiahnieńnie pahadnieńnia pamiž Maskvoj i Kijevam, prymalnaha dla abodvuch bakoŭ.
U svaju čarhu prezident RF Uładzimir Pucin zajaviŭ, što Rasija hatovaja pačać mirnyja pieramovy biez papiarednich umoŭ i spadziajecca na dasiahnieńnie spraviadlivaha i tryvałaha mirnaha pahadnieńnia, havorycca ŭ zajavie kitajskaha MZS.
Kreml u paviedamleńniach pra rasijska-kitajskija pieramovy napiaredadni ŭ Maskvie nie ŭzhadvaŭ, što baki abmiarkoŭvali temu spynieńnia vajny.
Ciapier čytajuć
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ2020
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ20
«Hienierał Biada vylecieŭ praz bakavoje škło «Čajki». Małaviadomaja avaryja 1976 hoda, u jakoj zahinuli druhi čałaviek u BSSR i bajavy lotčyk-hienierał44
Kamientary
Nu to bok pucin i jaho impierska - fašysckija ambicyi