Niadaŭna vyzvaleny były palitźniavoleny Juraś Ziankovič daŭ intervju vydańniu Deutsche Welle, u jakim davoli padrabiazna raskazaŭ, jakim byŭ praces jahonaha vyzvaleńnia.
Juraś Ziankovič apisvaje praces svajho vyzvaleńnia tak:
«Ja pačaŭ padazravać, što majo vyzvaleńnie nabližajecca, kali ŭ žniŭni 2024 hoda mianie pieraviali z mahiloŭskaj turmy ŭ SIZA KDB. Tady ž źniali pieršaje videa, na jakim ja vyhladaŭ jak viazień kancłahiera — heta było praz try miesiacy paśla haładoŭki. U KDB mnie paviedamili, što pačaŭsia zvarotny adlik — vyzvaleńnie čakajecca, choć dakładnych terminaŭ nie nazyvali.
Kančatkova ja zrazumieŭ, što rychtujecca vyzvaleńnie, 3 studzienia, kali z mazyrskaj kałonii mianie znoŭ pieravieźli ŭ SIZA KDB — užo nie ŭ aŭtazaku, a ŭ lehkavoj mašynie. Tam adbyłasia sustreča z pradstaŭnikami ŭrada ZŠA, paśla čaho ja amal bieśpierapynna znachodziŭsia ŭ «amierykancy», čakajučy daty.
Ranicaj 29 krasavika mnie paviedamili, što treba źbiracca — spačatku ja padumaŭ, što heta dla zdymak abo niejkaj sustrečy, ale chutka stała zrazumieła, što vyzvaleńnie realnaje. Va ŭsim SIZA admianili prahułki.
Mianie z rukami za śpinaj i apuščanaj hałavoj vyvieli za miežy turmy i praviali ŭ budynak KDB, dzie ŭ kanfierenc-zale adbyłasia sustreča ź Ivanam Ciercielem. Jon paviedamiŭ, što rašeńniem Rady biaśpieki, pa inicyjatyvie Łukašenki, mianie vyzvalajuć.
Na nastupny dzień, 30 krasavika, mianie aficyjna vyvieli z kamiery. Paśla prykładna siami hadzin čakańnia ŭ pamiaškańniach SIZA pryjechali bajcy hrupy «Alfa» i ŭžo biez kajdankoŭ vyvieli mianie za varoty turmy. Navat rečy hetym razam nios nie ja, a supracoŭniki turmy. Mianie pahruzili ŭ lehkavuju mašynu i my vyjechali ź Minska ŭ bok miažy ź Litvoj.
Prykładna za Ašmianami my paviarnuli ŭ les, dzie čakali inšuju mašynu. Pryjechała jašče adna hrupa «Alfy». Usie jany byli ŭ bałakłavach, ščylna šyfravalisia, pastajanna mianiali numary na aŭtamabilach. Paśla hetaha mianie pieraviali ŭ inšuju, jašče bolš darahuju mašynu — «Miersedes».
My čakali, pakul padjedzie kałona dypłamatyčnych aŭto. Kali jaje zaŭvažyli, dałučylisia zzadu. Prykładna praz paŭkiłamietra kałona paviarnuła na druharadnuju darohu ŭ bok niejkaha nievialikaha nasielenaha punkta. Tam mianie ŭžo niepasredna pieradali amierykanskamu boku.
Mianie pasadzili ŭ dypłamatyčny aŭtamabil i paviedamili, što ja pad abaronaj ZŠA, što zaraz my prajedziem praz dypłamatyčny kalidor na miažy. Skazali, što ŭ ambasadzie mianie sustrenuć, asabista vyjdzie spadarynia pasoł. Papiaredzili, što treba budzie skazać niekalki słoŭ, mahčymyja zvanki ad vysokapastaŭlenych asob z Vašynhtona, mahčyma navat ad prezidenta Trampa».
Ziankovič: Łukašenka spačatku daŭ mnie i Fiadutu mianušku Vini-Puch, a paśla nazvaŭ Usamam bien Ładenam
Ziankovič pra Vieramiejčyka: Užyvali fizičny hvałt, kab prymusić jaho skazać na BT toje, što chočuć pačuć
«Byŭ upeŭnieny, što ja niedatykalnaja asoba dla rasijan». Pieršaje intervju Jurasia Ziankoviča na svabodzie
Stała viadoma, što ciapier adbyvajecca z palitviaźniem Jurasiom Ziankovičam, jakoha vyzvalili pa prośbie ZŠA
Natalla Ejsmant: Ziankoviča vyzvalili pa prośbie Vašynhtona
Ciapier čytajuć
«Kali vy pazakryvajecie ja**lniki»: złoŭleny na dopinhu amapaviec z Hrodna pakazaŭ svajo vysokakulturnaje abličča13
Kamientary
Žyvie, žyła i budzie žyć biez tvajho bčb zaklika.
Niekali, kala sta hadoŭ tamu, ja pisaŭ na hetym forumie, što my nacyja, jakaja nikoli ni pry jakich abstavinach nie abjadnoŭvajecca. Azirnicisia čytačy NN vakoł svajho žyćcia i znajdzicie pamyłku ŭ tym maim skazie. Heta naša NORMA byćcia - nie abjadnoŭvacca, jakaja datyčycca tolki nas biełarusaŭ.
Dyk voś, hety amierykaniec i hety Žyvie! ni chalery nie rubiać u našym mientalitecie.