Z 1 maja padatkovaja atrymlivaje źviestki pra płaciažy biełarusaŭ u internet-kramach za miažoj
Z 1 maja padatkovyja orhany Biełarusi mohuć atrymlivać infarmacyju pra płaciažy biełaruskich pakupnikoŭ u internet-kramach za miažoj, piša Myfin.by. Heta vynikaje z papravak u Padatkovy kodeks, što ŭstupili ŭ siłu.
Novaŭviadzieńni abaviazvajuć płaciežnyja sistemy i banki pa zapycie padavać u Ministerstva pa padatkach i zborach (i jaho inśpiekcyi) infarmacyju pra pieraličeńni srodkaŭ na karyść zamiežnych arhanizacyj, što pradajuć tavary praź internet, a taksama akazvajuć pasłuhi ŭ elektronnaj formie.
Pravajdary i mabilnyja apieratary buduć abaviazany padavać źviestki pra akazańnie pasłuh u elektronnaj formie i prodaž tavaraŭ zamiežnymi arhanizacyjami.
Toje, jak mienavita buduć pradstaŭlacca danyja, zaćvierdžana pastanovaj MPZ ad 24.03.2025 №15, jakaja taksama ŭžo ŭstupiła ŭ siłu. U spravazdačy pa zapycie buduć ukazvacca nazva zamiežnych pastaŭščykoŭ, kolkaść, suma i valuta płaciažoŭ — jak śpisańnie srodkaŭ u pakupnikoŭ u Biełarusi, tak i zvarot im hrošaj u vypadku viartańnia.
U źviestkach, jakija padajuć pravajdary, buduć ukazvacca nazvy i identyfikatary zamiežnych internet-resursaŭ.
Ciapier čytajuć
Kamientary