U Bazieli prajšoŭ pieršy paŭfinał «Jeŭrabačańnia». Vyznačylisia pieršyja finalisty
Kanadskaja śpiavačka Sielin Dyjon źviarnułasia z karotkim videazvarotam da ŭdzielnikaŭ konkursu «Jeŭrabačańnie», pieršy paŭfinał jakoha adbyŭsia ŭviečary ŭ aŭtorak u šviejcarskim Bazieli, piša Bi-bi-si.
Dyjon pieramahła na piesiennym konkursie ŭ 1988 hodzie, kali pradstaŭlała Šviejcaryju i tolki pačynała muzyčnuju karjeru.
«Ja chacieła b być z vami, — skazała jana z ekrana. — Šviejcaryja nazaŭždy zojmie asablivaje miesca ŭ maim sercy. Heta kraina, jakaja pavieryła ŭ mianie i dała mnie šaniec stać častkaj niečaha asablivaha».
Pa vynikach pieršaha paŭfinału ŭ finał, jaki adbudziecca ŭ subotu na arenie «Sankt-Jakabschale», vyjšli 10 udzielnikaŭ, u tym liku šviedski hurt KAJ, čyja pieśnia Bara Bada Bastu źjaŭlajecca favarytam sioletniaha konkursu.
Kali pradkazańni spraŭdziacca, heta budzie vośmaja pieramoha Šviecyi na «Jeŭrabačańni», što zrobić jaje samaj paśpiachovaj krainaj za ŭsiu historyju konkursu.
Usiaho ŭ paŭfinale ŭ aŭtorak vystupili pradstaŭniki 15 krain, u finał u vyniku prajšli Narviehija, Ałbanija, Šviecyja, Isłandyja, Niderłandy, Polšča, San-Maryna, Estonija, Partuhalija i Ukraina.
Azierbajdžan, Bielhija, Kipr, Charvatyja i Słavienija pa vynikach paŭfinału pakinuli konkurs.
Druhi paŭfinał projdzie ŭ čaćvier, finał — u subotu.
-
Mikita Najdzionaŭ zapuściŭ novy prajekt dla aŭdytoryi 30+
-
«Dahetul škaduju, što nie stała lekaram». Pahutaryli sa Śviatłanaj Bień pra novy albom, žyćcio ŭ Bierlinie, «čornyja śpisy» i spraviadlivaść
-
Viadomy rasijski repier nijak nie moža vystupić u Minsku — to z zakonami nie ščaścić, to sa zdaroŭjem
Sustreču Ryžankova ź Sikorskim paprasiŭ Minsk. Što kamanda Cichanoŭskaj abmiarkoŭvała z palakami da i paśla jaje11
Kamientary