Reki na Paleśsi ŭžo ciapier dasiahajuć uzroŭniu vady, pry jakim limitujecca sudnachodstva. A leta jašče nie pačałosia
Pavodle hidrałahičnaha biuletenia Biełhidramieta ad 15 maja, u minułyja dni na rekach krainy adznačaŭsia spad uzroŭniaŭ vady, u vyniku čaho na Sažy kala horada Słaŭharad uzrovień vady apuściŭsia nižej za adznaku, jakaja limituje sudnachodstva, a na Dniapry kala Žłobina dasiahnuŭ jaje, piša «Fłahštok».
Heta vielmi niezvyčajnaja situacyja. Raniej, zhodna z hrafikami šmathadovych nazirańniaŭ, u krasaviku — siaredzinie maja, naadvarot, uzrovień vady ŭ rekach, u tym liku ŭ Dniapry, byŭ maksimalna vysokim paśla viasnovaj pavodki. Paśla, u vyniku haračaha suchoha nadvorja, uzrovień vady apuskaŭsia da krytyčnaha dla sudnachodstva ŭzroŭniu da kanca leta — pačatku vosieni.
Ciapier ža leta jašče nie pačałosia, a niespryjalnyja ŭmovy dla pracy račnoha transpartu ŭžo nazirajucca — z apiaredžańniem «hrafika» prykładna na try miesiacy. Vychodzić, što kali tendencyja praciahniecca, to da kanca leta reki i zusim źmialejuć.
U najbližejšyja dni na Homielščynie prahnazujuć praciahłyja apadki. Ale, bieručy pad uvahu papiaredniuju zasuchu, naŭrad ci možna čakać, što daždžy prykmietna pavysiać uzrovień vady ŭ rekach i istotna paŭpłyvajuć na situacyju.
Pa stanie na 15 maja spad uzroŭniaŭ vady ź intensiŭnaściu 1-8 sm za sutki nazirajecca na Dniapry, Biarezinie, Sažy, Prypiaci. Na Dniapry kala Mahilova i Žłobina, Biarezinie kala Babrujska i Śvietłahorska, Saža kala Słaŭharada nazirajucca niespryjalnyja ŭmovy dla pracy račnoha transpartu. Da kanca hetaha tydnia na Sažy kala Kryčava ŭzrovień vady dasiahnie adznaki, jakaja limituje sudnachodstva, adznačajecca ŭ infarmacyi hidrołahaŭ.
U spravazdačy Homielabhidramieta dadatkova paviedamlajecca, što na Biarezinie kala Śvietłahorska ŭzrovień vady znachodzicca nižej za adznaku, jakaja parušaje pracu račnoha transpartu, a na asobnych učastkach rek adznačajecca raźvićcio raślinnaści kala bierahoŭ.
Asudzili mazyrskaha błohiera Union Bell. Chłopiec niekalki hadoŭ chavaŭsia, ale paśla aryštu baćki byŭ vymušany źviarnucca ŭ balnicu8
Asudzili mazyrskaha błohiera Union Bell. Chłopiec niekalki hadoŭ chavaŭsia, ale paśla aryštu baćki byŭ vymušany źviarnucca ŭ balnicu
«Ja suprać. Movy, jakija pakinuli paśla siabie kałanizatary ŭ Afrycy, stali šlacham da cyvilizacyi». Aleksijevič adkazała, jak stavicca da admovy ad ruskaj movy va Ukrainie8888
«Ja suprać. Movy, jakija pakinuli paśla siabie kałanizatary ŭ Afrycy, stali šlacham da cyvilizacyi». Aleksijevič adkazała, jak stavicca da admovy ad ruskaj movy va Ukrainie88
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały99
Kamientary