Nacbank vypuskaje maniety 100 rubloŭ, pryśviečanyja 900-hodździu Połackaha Spasa-Jeŭfrasińjeŭskaha manastyra
Nacyjanalny bank z 19 maja 2025 hoda vypuścić u abaračeńnie novuju sieryju pamiatnych maniet, pryśviečanych 900-hodździu Połackaha Spasa-Jeŭfrasińjeŭskaha manastyra. Usiaho budzie adčakavana try vidy maniet — dźvie srebnyja i adna ź miedna-nikielevaha spłavu, paviedamlaje pres-słužba Nacbanka.
Jakija maniety vyjduć:
srebnaja naminałam 100 rubloŭ, masaj 168,15 h, dyjamietram 65 mm (tyraž — 550 štuk);
srebnaja naminałam 20 rubloŭ, masaj 33,63 h, dyjamietram 38,61 mm (tyraž — 2500 štuk);
miedna-nikielevaja naminałam 1 rubiel, masaj 144,5 h, dyjamietram 65 mm (tyraž — 4500 štuk).
Usie maniety kruhłyja, z kantam i nasiečkaj pa kraju. Aviers upryhožany vyjavaj dziaržaŭnaha hierba, nazvy krainy, Spasa-Jeŭfrasińjeŭskaha manastyra, naminała i hoda vypusku. Na reviersie — stylizavanyja kryžy, nadpisy na biełaruskaj movie i centralnaja kampazicyja: anioły karanujuć Jeŭfrasińniu Połackuju na fonie manastyra z dataj zasnavańnia — 1125 hod.
Srebnyja maniety vykanany ŭ jakaści «pruf» z elemientami pazałoty, miedna-nikielevaja — u jakaści «pruf-łajk» ź ličbavaj drukam. Čakanka ažyćciaŭlajecca na Kazachstanskim manietnym dvary.
Maniety buduć zakonnym płaciežnym srodkam na terytoryi Biełarusi. Infarmacyju pra start prodaž, canu i najaŭnaść možna budzie znajści na sajcie Nacbanka ŭ raździele «Banknoty i maniety».
Ciapier čytajuć
Bližejšym časam buduć vyzvaleny bolš za 150 palitźniavolenych34
Kamientary