U Minsku kiroŭca źbiŭ na pierachodzie siamihadovaha chłopčyka na samakacie
Zdareńnie adbyłosia ŭ aŭtorak u «Minsk-Śviet» kala 18:10, paviedamlaje DAI.
Aŭtamabil ruchaŭsia pa vulicy Białhradskaj i pry pavarocie naleva na vuł. Nikoły Tesły nie sastupiŭ darohu školniku, jaki pierasiakaŭ piešachodny pierachod na samakacie.
Vyśvietliłasia, što chłopčyk pačaŭ ruch praz darohu na mihajučy zialony sihnał śviatłafora i nie spyniŭsia na vostravie biaśpieki. Aŭtamabil začapiŭ školnika bortam.
Paśla sutyknieńnia chłopčyk zdoleŭ padniacca na nohi. Dzicia dastavili ŭ balnicu dla abśledavańnia.
Ciapier čytajuć
Navukoviec raspavioŭ pra hieałahičnyja zahadki Biełarusi: irtuć ź ziamli i kratar ad padzieńnia mietearyta, jaki źniščyŭ usio žyvoje ŭ radyusie tysiač kiłamietraŭ44
Kamientary
A ŭ aŭto jość bakavyja stojki śpieradu, jakija stvarajuć zonu niabačnaści, asabliva pry pavarotach. Z ulikam chutkaści ruchu samakataŭ, jany ŭ hetaj zonie niabačnaści mohuć znachodzicca daŭžej za piešachodaŭ, asabliva pry pavarotach.
Bolšaść apošnich navinaŭ pra źbićcio samakatčykaŭ była mienavita pry ździajśnieńni pavarotu kiroŭcami.
Zrazumieła, što kiroŭcam patrebna być uvažlivymi, ale i samakatčykam patrebna raspaviadać pra asablivaści ruchu. Asabliva dzieciam.
A kali b prydumali, jak pazbavicca hetaj zony niabačnaści, heta dadało b biaśpieki dla ŭsich