Žycharka Zakarpaćcia atrymała 10 hadoŭ turmy za zhvałtavańnie mužčyny vienikam
Toj byŭ nastolki pjany, što nie zrazumieŭ, što adbyłosia. A ŭ sudzie nie mieŭ pretenzij da hvałtaŭnicy.
Zakarpacki apielacyjny sud na minułym tydni vynies rašeńnie pa hučnaj kryminalnaj spravie, źviazanaj sa złačynstvam, jakoje było ździejśniena ŭ vioscy Klinava Hara Vinahradaŭskaha rajona Zakarpackaj vobłaści Ukrainy.
Jak tłumačycca ŭ rašeńni suda, žudasny vypadak adbyŭsia ŭ noč na 9 sakavika 2020 hoda. Miascovaja žycharka Ibala Mondzič (imia pryvodziać miascovyja ŚMI) u kampanii dvuch mužčyn užyvała ałkahol. Z adnym ź ich, jak vynikaje z sudovych materyjałaŭ, jana ŭžo mieła kryminalnuju historyju — niekalki miesiacaŭ da taho aboje byli asudžanyja za hrupavoje chulihanstva i atrymali pa try hady pazbaŭleńnia voli z dvuchhadovym vyprabavalnym terminam.
Zhodna z materyjałami kryminalnaj spravy, kala pieršaj hadziny nočy mocna pjanaja Ibala pačała kanflikt z hościem. Padčas svarki jana naniesła jamu mnostva ŭdaraŭ pa hałavie i ciele, a zatym padbuchtoryła svajho znajomaha da hvałtu.
Mužčyna schapiŭ vienik z draŭlanaj ručkaj i niekalki razoŭ udaryŭ achviaru pa hałavie i pa tvary. Paśla taho, jak ciažkapjany i źbity paciarpieły straciŭ raŭnavahu i zvaliŭsia na padłohu, žančyna źniała ź jaho štany i nižniuju bializnu, a zatym prymusiła svajho saŭdzielnika zhvałtavać jaho. Toj vykanaŭ ukazańnie, nie sustreŭšy anijakaha supracivu z boku achviary, jakaja była nie ŭ stanie pravilna razumieć toje, što adbyvajecca.
Adnak na hetym złačyncy nie spynilisia. Ibala ŭziała vienik i, vykarystoŭvajučy draŭlanuju ručku, nieadnarazova pranikała ŭ analnuju adtulinu paciarpiełaha. Dakładnuju kolkaść hetych dziejańniaŭ padličyć nie ŭdałosia. U vyniku mužčyna atrymaŭ ciažkija cialesnyja paškodžańni — traŭmu pramoj kiški i dyfuzny pierytanit, jakija byli kvalifikavanyja jak niebiaśpiečnyja dla žyćcia.
Pieršapačatkovy rajonny sud u krasaviku 2021 hoda pryznaŭ abaich hvałtaŭnikoŭ vinavatymi ŭ ździajśnieńni hrupavoha zhvałtavańnia z asablivaj žorstkaściu. Žančynu asudzili na 8 hadoŭ pazbaŭleńnia voli, pryčym sud uličyŭ jaje raskajańnie, aktyŭnaje sadziejničańnie śledstvu, ciažarnaść i adsutnaść pretenzij z boku paciarpiełaha. Tamu joj było pryznačana pakarańnie nižej za minimalnyja miežy, praduhledžanyja artykułam Kryminalnaha kodeksa.
Mužčynu-saŭdzielnika asudzili da 7 hadoŭ i 6 miesiacaŭ pazbaŭleńnia voli. Z ulikam raniejšych sudzimaściaŭ i nieadbytaha terminu pakarańnie pavialičyli da 8 hadoŭ.
Adnak prakuror paličyŭ, što prysud žančynie byŭ zanadta miakki. Jon padaŭ apielacyjnuju skarhu. U vyniku Ibala atrymała 10 hadoŭ źniavoleńnia, a z ulikam nieadbytaha terminu pa papiarednim prysudzie — 10 hadoŭ i 6 miesiacaŭ.
U Mahilovie vynieśli prysud za zhvałtavańnie i zabojstva, što ździejśnili 25 hadoŭ tamu
Rekiet, rejdarstva, zhvałtavańni, žorstkija zabojstvy, siłaviki na zarpłacie i łajalnaść uładaŭ. Raskazvajem pra najbujniejšuju bandu Biełarusi
Były ŭdzielnik vajny z Ukrainaj zhvałciŭ i zabiŭ siamikłaśnicu ŭ Ćviarskoj vobłaści
Chočacie žyć doŭha — šukajcie rajon z narmalnymi drevami. Navukoŭcy vyśvietlili, što drevy ratujuć ad infarktaŭ, a hazony mohuć navat naškodzić zdaroŭju22
Kamientary