U Lidskim rajonie mužčynu abvinavačvajuć u žorstkim zabojstvie znajomaha. Sprava 57-hadovaha miascovaha žychara ŭžo pieradadziena ŭ sud, piša BiełTA.
Zhodna z materyjałami śledstva, 27 kastryčnika 2024 hoda padčas svarki pjany mužčyna niekalki razoŭ udaryŭ svajho znajomaha pa tvary. Toj upaŭ na padłohu i straciŭ prytomnaść.
Skarystaŭšysia tym, što paciarpieły nie moh abaranicca, napadnik pieraciahnuŭ jaho na kuchniu, padpaliŭ anuču i kinuŭ jaje na cieła mužčyny. Uspychnuŭ pažar, i čałaviek zahareŭsia.
Susiedzi vyklikali ratavalnikaŭ i chutkuju, ale vyratavać paciarpiełaha nie ŭdałosia — jon pamior u balnicy ad atrymanych ciažkich apiokaŭ.
U prakuratury pahadzilisia z tym, što dziejańni abvinavačanaha treba kvalifikavać jak zabojstva z asablivaj žorstkaściu, niebiaśpiečnym sposabam i ŭ dačynieńni da biezdapamožnaj asoby. Mužčynu buduć sudzić pa adpaviednych artykułach Kryminalnaha kodeksa.
Pamior palitviazień Valancin Štermier. «Ledź chadziŭ paśla insultu — a jaho kinuli ŭ ŠIZA»7
Kamientary