Prahramistka ź Minska: Ja zarablaju 12 tysiač rubloŭ u miesiac. Pry hetym praktyčna ŭvieś chatni pobyt na mnie
Viktoryja pracuje ŭ Minsku prahramistkaj. Jana viadzie papularny błoh u tyktoku, na jaki padpisana 28,5 tysiačy čałaviek. Jaje muž taksama pracuje ŭ IT, jany hadujuć maleńkuju dačku. Niadaŭna dziaŭčyna padzialiłasia, jak u jaje siamji raźmiarkoŭvajuć chatnija spravy.
«Ja zarablaju bolš za 12 tysiač biełaruskich rubloŭ u miesiac. Pry hetym praktyčna ŭvieś chatni pobyt na mnie, — raskazała ŭ tyktoku Viktoryja. — Ja zajmajusia hatoŭkaj, prańniem, pryborkaj, pa nieabchodnaści adkazvaju za zakupku praduktaŭ i ŭsich nieabchodnych drobiaziaŭ, absłuhoŭvaju kata i adkazvaju za rasparadak dnia majoj hadavałaj dački.
Zajmajusia ja hetym nie tamu, što heta žanočyja abaviazki, a tamu, što ja rablu heta lepš, chutčej i bolš jakasna».
Ajcišnica kaža, što ŭ jaje muža, jaki, jak i jana, pracuje ŭ IT, taksama jość śpis taho, z čym jon pa domie spraŭlajecca lepš. Ale kali chtości nie choča zajmacca niejkimi spravami, jon moža delehavać ich najomnamu piersanału.
«Navat kali moj muž zarablaŭ mienš za mianie, ja ŭsio adno havatavała nam abaim, zajmałasia prańniem, pryborkaj, zakupkaj praduktaŭ.
Mnie nie składana heta ŭsio rabić i mianie heta nie napružvaje mienavita tamu, što heta nie źjaŭlajecca maim abaviazkam i ja ŭ luby momant mahu ad hetaha admovicca», — patłumačyła svoj padychod dziaŭčyna.
Ciapier čytajuć
Azaronak napisaŭ pra palitemihranta — paśla hetaha brata i baćku taho kinuli za kraty2
Azaronak napisaŭ pra palitemihranta — paśla hetaha brata i baćku taho kinuli za kraty
Jak vypadkovaje znajomstva ŭ hiej-kłubie skončyłasia hučnym zabojstvam. Novyja detali pa spravie biełarusa, jaki 25 hadoŭ tamu zarezaŭ pradziusara ŭ Maskvie66
Kamientary
- Dyk i vy kažycie!..