Rasijanie nakryli «Iskanderam» palihon pad Sumami. Šeść vajskoŭcaŭ zahinuli VIDEA
Uviečary 20 traŭnia Ministerstva abarony Rasii apublikavała videa ŭdaru pa łahiery padrychtoŭki ŭkrainskich vajskoŭcaŭ u Sumskaj vobłaści. Pavodle ŭkrainskaha boku, rakieta trapiła ŭ palihon padčas vučeńniaŭ. Zahinuli šeść vajskoŭcaŭ, bolš za dziesiać byli paranienyja. Padraździaleńnie Nachvardyi, jakoje vykarystoŭvała palihon, paćvierdziła fakt ataki i paviedamiła pra pačatak słužbovaha rasśledavańnia.
Pavodle infarmacyi Ministerstva abarony Rasii, 20 traŭnia ŭviečary byŭ naniesieny ŭdar z kompleksu «Iskander» pa terytoryi Sumskaj vobłaści. Pa śćviardžeńniach rasijskaha boku, metaj staŭ łahier padrychtoŭki ŭkrainskich vajskoŭcaŭ.
Paźniej heta paćvierdzili i va Ukrainie. Nacyjanalnaja hvardyja Ukrainy paviedamiła, što rakieta trapiła pa strelbiščy, dzie ŭ hety momant prachodzili vučeńni.
U vyniku zahinuli šeść vajskoŭcaŭ, bolš za dziesiać atrymali ranieńni.
Pa fakcie trahiedyi raspačata słužbovaje rasśledavańnie, kamandzir padraździaleńnia adchileny ad vykanańnia słužbovych abaviazkaŭ, materyjały pieradadzieny ŭ pravaachoŭnyja orhany.
«U miežach śledstva budzie dadziena pravavaja acenka dziejańniam usich asob, jakija prymali adpaviednyja rašeńni», — havorycca ŭ aficyjnaj zajavie Nachvardyi.
Adnym ź pieršych vypadki publična prakamientavaŭ ukrainski deputat Alaksiej Hančarenka, jaki adkryta abvinavaciŭ vajskovaje kiraŭnictva ŭ biezadkaznaści.
«Heta prosta poŭny pi***c. Palihon faktyčna na miažy z Rasijaj. Vorah sačyŭ za palihonam. Nad im doŭhi čas visieŭ dron, jaki i karektavaŭ udar», — napisaŭ jon u telehramie.
«Heta złačynstva. Tyja, chto vyrašyŭ pravodzić treniroŭki vajskoŭcaŭ faktyčna na linii frontu. Ludziej uvohule pierastali canić. Zahady zastavacca ŭ atačeńni palihonaŭ pobač z voraham. Takoje adbyvajecca ŭžo nie ŭpieršyniu i nie ŭ druhi raz. Da hetaha času nichto nie pryciahnuty da adkaznaści. Heta pi***c. Inšych słoŭ niama», — dadaŭ Hančarenka.
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam10
Kamientary