KDB pryznaŭ ekstremisckim farmavańniem «Biełaruskuju analityčnuju majsterniu» Vardamackaha
Kamitet dziaržaŭnaj biaśpieki Biełarusi ŭnios u śpis «ekstremisckich farmavańniaŭ» try novyja struktury: «Biełaruskuju analityčnuju majsterniu» sacyjołaha Andreja Vardamackaha, jutub-kanał «Partyzanskaja chvala», a taksama tyktok-akaŭnty inicyjatyvy «Doroha v ad». Adpaviednaje abnaŭleńnie źjaviłasia ŭ śpisie MUS 21 maja, na padstavie rašeńniaŭ KDB.
U śpisie MUS adznačajecca, što «farmavańnie» «Biełaruskaja analityčnaja majsternia» składajecca z «hrupy hramadzian ź liku stvaralnikaŭ, kiraŭnikoŭ i ŭdzielnikaŭ inicyjatyvy. Akramia Vardamackaha, u śpisie zhadvajucca Maryna Novikava i Pavieł Usaŭ, a taksama sajt inicyjatyvy — www.bawlab.eu.
«Ekstremisckim farmavańniem» pryznany i jutub-kanał «Partyzanskaja chvala». U suviazi z hetym farmavańniem nie nazvanyja kankretnyja asoby, źviazanyja z resursam.
U śpis trapiła i inicyjatyva «Doroha v ad», źviazanaja z dvuma tyktok-akaŭntami. U śpisie paznačany Hienadź Hłušakoŭ jak asoba, źviazanaja z hetaj inicyjatyvaj.
U Biełarusi abvinavačańni ŭ «ekstremiźmie» zvyčajna vykarystoŭvajucca ŭładami dla cisku na hramadzianskuju supolnaść, padaŭleńnia niezaležnaj dumki i svabody słova.
Babaryka pra siabie ŭ 2020-m: Heta nie naiŭnaść. Nie dumaju, što takoha kryvažernaha scenara niechta čakaŭ79
Kamientary