Siońnia ranicaj niejki čas nielha budzie kupić elektronnyja kvitki na ciahniki
Siońnia, 21 maja, z 09:45 da 12:00 nielha budzie nabyć elektronnyja bilety na ciahniki. Abmiežavańnie źviazana z płanavymi techničnymi pracami, papiaredziła pres-słužba Biełaruskaj čyhunki.
U hety pramiežak času taksama budzie niedastupnaja mahčymaść viartańnia elektronnych biletaŭ jak na sajcie BČ, tak i ŭ mabilnym dadatku «BČ. Moj pojezd».
Pradstaŭniki pieravozčyka ŭdakładnili, što dla nabyćcia i viartańnia prajaznych dakumientaŭ nieabchodna źviartacca ŭ biletnyja kasy Biełaruskaj čyhunki.
U ciahniki ź nienumaravanymi miescami bilety možna aformić taksama ŭ terminałach samaabsłuhoŭvańnia.
Kamientary