U Čačersku praviali pakazalny sud nad maładzionami, jakija sarvali čyrvona-zialony ściah
U Čačarsku ŭ aktavaj zale techničnaha kaledža sabrali miascovych navučencaŭ dla zapałochvańnia, piša «Fłahštok».
Prakuror rajona Dzianis Łapicki padtrymaŭ dziaržaŭnaje abvinavačańnie pa kryminalnaj spravie ŭ dačynieńni da dvuch maładych ludziej, jakich abvinavacili ŭ źniavazie dziaržaŭnaha ściaha.
Adnaho ź viečaroŭ abvinavačanyja, znachodziačysia ŭ stanie ałkaholnaha apjanieńnia, prachodzili mima administracyjnaha budynka dziciača-junackaj spartyŭnaj škoły. Ich uvahu pryciahnuŭ dziaržaŭny ściah na fasadzie budynka.
«Chłopcy vyrvali ściah razam ź mietaličnym macavańniem i, razmachvajučy im, nakiravalisia ŭ bok šmatpaviarchovika pa vulicy Haharyna. Padčas ruchu jany sarvali macavańnie i złamali draŭlanaje dreŭka, paśla čaho vykinuli pałamanyja častki na prysiadzibny ŭčastak susiedniaha domaŭładańnia», — piša rajonnaja hazieta.
Abodva chłopcy asudžanyja na 1 hod pazbaŭleńnia voli ŭ papraŭčaj kałonii ahulnaha režymu. A navučencam techničnaha kaledža daviałosia vysłuchać «prafiłaktyčnuju hutarku pra nieabchodnaść pavažlivaha staŭleńnia da dziaržaŭnych simvałaŭ».
Ciapier čytajuć
Kachanak Anžaliki Mielnikavaj — ahient biełaruskich śpiecsłužbaŭ z pašpartam prykryćcia53
Kamientary
No, tohda i "lubov́" otvietnaja, k fłahu łukašienko, k hierbu łukašienko, u vsiech budiet takoj, kak u etich podrostkov.