Rasijskija žurnalisty-rasśledavalniki daviedalisia, što kiraŭnika Ruskaj pravasłaŭnaj carkvy patryjarcha Kiryła (śvieckaje imia Uładzimir Hundziajeŭ) u bazie Fiederalnaj padatkovaj słužby Rasii schavali pad psieŭdanimam Ivan Zacharavič Procharaŭ, piša The Moscow Times.
Hety psieŭdanim vykarystoŭvajecca dla maskiroŭki sapraŭdnych danych, choć usie inšyja paramietry, uklučajučy datu naradžeńnia i identyfikacyjny numar padatkapłacielščyka (INP), supadajuć z realnymi danymi patryjarcha. INP u Rasii nadajecca tolki adzin raz na ŭsio žyćcio.
Takija mietady raniej vykarystoŭvalisia pieravažna dla siłavikoŭ i vysokapastaŭlenych čynoŭnikaŭ, kab schavać ułasnaść, dachody abo abyści mižnarodnyja sankcyi. Naprykład, były sakratar Rady biaśpieki Rasii Mikałaj Patrušaŭ fihuruje ŭ bazie pad imiem Jaŭhien Piatrovič Łukaŭ.
Infarmacyja pra śpiecyjalnuju bazu «abaronienych asob» u Fiederalnaj padatkovaj słužbie Rasii stała viadomaj jašče ŭ 2019 hodzie paśla ŭciečki danych z kampanii «Sajtek», jakaja raspracavała prahramu «Nałoh-3» dla maskiroŭki takich asob.
U 2020 hodzie rasśledavańnie vyjaviła, što ŭ patryjarcha Kiryła i jaho svajakoŭ jość majomaść na sumu kala 225 miljonaŭ rasijskich rubloŭ (kala 2,5 miljona dalaraŭ) u Maskvie i Sankt-Pieciarburhu. Heta, u pryvatnaści, niekalki kvater, adna ź jakich — u znakamitym «Domie na nabiarežnaj».
Akramia taho, patryjarch karystajecca tolki biznes-avijacyjaj, u tym liku džetam Gulfstream G450 koštam kala 43 miljony dalaraŭ, a taksama luks-jachtaj «Pałada» koštam ad 4 miljonaŭ dalaraŭ, jakaja vykarystoŭvajecca dla pajezdak pa Vałaamu.
U minułym patryjarch traplaŭ u skandały, naprykład, z hadzińnikam Breguet za 30 tysiač jeŭra, jaki sprabavali zamazać na fota.
Kirył aktyŭna padtrymlivaje rasijskaje ŭvarvańnie va Ukrainu, pravodziačy represii suprać niazhodnych z hetym śviataroŭ. Jon trapiŭ pad sankcyi niekalkich krain (u tym liku Vialikabrytanii, Čechii, Litvy, Kanady), a pad sankcyi ES nie traplaje tolki dziakujučy padtrymcy z boku Vienhryi.
Pamior duchoŭnik patryjarcha Kiryła
«Vy nie z zachodniaj Ukrainy?» Kirył vyśmiejaŭ śviatara, jaki skazaŭ, što Carkva pavinna zajmacca vieraj, a nie patryjatyzmam
Były sakratar patryjarcha Maskoŭskaha: Kirył ličyć siabie važniejšym za Pucina
Patryjarch Kirył zaklikaŭ nie bajacca jadziernaj zbroi, tamu što chryścijan nie strašyć kaniec śvietu
Kamientary