Ajcišnicu nie vypuścili ź Biełarusi. Jana rehularna pryjazdžała ź Jeŭropy, ale ŭ 2025 znajšli fota z pratestaŭ
Jak viadoma, pierad vyjezdam/ujezdam z/u RB pa-raniejšamu možna pravieryć svoj status. Adnak spryjalny vynik pravierki jašče nie aznačaje, što status nie źmienicca paśla pierasiačeńnia miažy.
Takaja vysnova naprošvajecca z historyi, jakuju raspavioŭ čytač devby — rełakant pra kalehu, što nie viarnułasia ŭ Jeŭropu z pajezdki dadomu.
Pavodle jaho słoŭ, kaleha rehularna jeździła da rodnych u Biełaruś i da hetaha času spakojna viartałasia. Adnak sioleta na zvarotnym šlachu jaje raźviarnuli na miažy z Polščaj: prosta skazali, što jość abmiežavańnie na vyjezd, i prapanavali źviartacca pa tłumačeńni ŭ Adździeł pa hramadzianstvie i mihracyi
— Jana tak i zrabiła, i vyśvietliłasia, što abmiežavańnie nakładziena pa linii siłavych orhanaŭ praź niekalki dzion paśla jaje ŭjezdu — usio tamu, što znajšłosia fota z pratestaŭ 2020 hoda, dzie jana ŭ natoŭpie na prajeznaj častcy, — raspavioŭ čytač. — Pry hetym ničoha, zdajecca, nie pradkazvała: nichto joj nie cikaviŭsia, nie telefanavaŭ i nie pisaŭ.
U vyniku dziaŭčynu abvinavacili pa «narodnym artykule».
«Z umoŭna dobraha — jana nie była aryštavanaja. Paśla niekalkich miesiacaŭ śledstva jaje pryhavaryli da dvuch hadoŭ «chatniaj chimii». Kab nie ŭskładniać svoj status «darmajedstvam», kaleha ŭładkavałasia na pracu ŭ Biełarusi. A našaj kampanii daviałosia prypynić ź joj supracoŭnictva, chacia my i dapamahajem, jak možam. Jašče spadziajomsia papracavać razam», — dadaŭ čytač.
Ciapier čytajuć
«Siomaja DNK-ekśpiertyza paćvierdziła: Alaksiej ź biełaruskaj vioski Rymucieŭcy — baćka Chansa». Jak narviežac znajšoŭ baćku-biełarusa praz 78 hadoŭ66
Kamientary