U Biełarusi pradajuć amierykanski muskuł-kar, jaki litaralna ŭros u ziamlu. Cana ŭražvaje
Staić davoli doŭha i maje patrebu va ŭvazie — havorycca ŭ abjavie.
Aŭtamabil, jaki pradajecca, — Chevrolet Camaro III 1991 hoda vypusku z 5-litrovym V8 pad kapotam. Zajaŭleny prabieh u abjavie — 192 tysiačy kiłamietraŭ.
U abjavie ŭsiaho adno fota, na jakim vidać, što redki dla našych krajoŭ «amierykaniec» znachodzicca ŭ žudasnym stanie. Mašyna litaralna paśpieła ŭraści ŭ ziamlu. Pradaviec adznačaje, što jana staić davoli daŭno, ale nie ŭdakładniaje, kolki mienavita. Miarkujučy pa fota, jana na hetym padvorku ŭžo nie pieršy hod.
Pobač taksama možna ŭbačyć jašče dźvie mašyny: čorny amierykanski mikraaŭtobus i niejki siedan.
Niahledziačy na žachlivy stan, za aŭtamabil prosiać $14 700. Pry hetym pradaviec u apisańni zapeŭnivaje, što paśla afarboŭki hetaja mašyna budzie kaštavać užo ad 20 tysiač dalaraŭ.
Adnak zusim nie fakt, što na viartańnie hetaha aŭto da žyćcia chopić $5300. Akramia taho, nielha vyklučać, što za hady, praviedzienyja pryparkavanaj na syroj ziamli, mašyna mahła prahnić nastolki mocna, što jaje adnaŭleńnie budzie naohuł niemetazhodnym, choć sama pa sabie takaja madel sapraŭdy redkaja dla Biełarusi. Na ciapierašni momant heta adzinaja Camaro taho pakaleńnia ŭ prodažy ŭ našaj krainie.
Praŭda, da cany pytańniaŭ usio adno šmat. Naprykład, u Hiermanii padobnuju mašynu možna nabyć za 10 tysiač jeŭra. I tyja aŭtamabili nie rastuć pobač z parečkami.
Chevrolet Camaro treciaha pakaleńnia vypuskaŭsia z kanca 1981 pa siaredzinu 1992 hoda.
Ciapier čytajuć
18‑hadovy były palitviazień raskazaŭ, što jon svajak Cichanoŭskaj. Jaho zatrymali, kali jon jechaŭ vajavać za Ukrainu2
Kamientary
Jeŝie by s kuskom ziemli 1 mietr po pierimietru i tak doma voźle sažiełki i postaviť na viečnyj pokoj.
Chodiť i połučať kajf vidia, kak vriemia stirajet zuby ob etom art-objekt.