Režysior taksama raskazaŭ, jak jany mocna pasvarylisia ź Siarhiejem Čałym.
Hościem novaha vypusku jutub-prajekta «ČastnOK-Live» staŭ režysior Mikałaj Chalezin. Jaho paprasili paraŭnać viadomych biełarusaŭ sa stravami.
Prahramy ekanamičnaha ahladalnika Siarhieja Čałaha režysior paraŭnaŭ z supam tom jam, jaki jon vielmi lubić. U hetym supie prysutničaje smak umami, jaki nie tak daŭno byŭ pryznany za piaty smak akramia viadomych čatyroch — kisłaha, sałodkaha, horkaha i salonaha.
«Čały heta niejki tom jam dla tych, chto lubić. Tam vielmi šmat smaku, vielmi šmat taho, što jon daje. (…) U Čałaha zaŭsiody ŭ efirach, navat kali tabie sumnaja tema, ty znoŭ znojdzieš niešta».
Chalezin zhadaŭ historyju svaich adnosin Čałym.
«My ŭ fejsbuku adnojčy pasralisia tak, što adzin adnaho pasłali da ch****. Pa-mojmu, tolki nie zabanili. Ale pasłali całkam, z asabistymi abrazami», — pryčynu svarki režysior ciapier nie pamiataje.
Pa słovach Chalezina, paśla hetaj pierapałki jany nie kamunikavali niekalki hadoŭ. Ale ŭsio źmianiłasia ŭ 2020-m.
«Nastaŭ 2020 hod. Usio tam niejak adbyvajecca. Ja baču Čałaha ŭ niejkaj prahramie. Biaru telefon (jon mianie nie zabaniŭ) i jamu ŭ asabistyja pišu: «Siaroha, my z taboju pasralisia. Ja nie pamiataju, z-za čaho. Kali ja nie mieŭ racyi, to ty mianie prabač. Kali ty ličyš, što ty pamylaŭsia, to ja tabie ŭ lubym vypadku daruju».
Na svajo paviedamleńnie, jak zhadvaje Chalezin, jon atrymaŭ adkaz: «Nu što? Pry sustrečy na piva?» Na hetuju prapanovu režysior adkazaŭ zhodaj.
Z toj pary, jak adznačaje Chalezin, jany z Čałym u cudoŭnych adnosinach.
A voś analityka Arcioma Šrajbmana Chalezin paraŭnoŭvaje z pastaj z morapraduktami. Tłumačyć: z adnaho boku, pastu nielha, bo lišniaja vaha, a z druhoha — kali z morapraduktami, to prabačaješ sabie.
Jon charaktaryzuje Šrajbmana jak čałavieka, jaki «moža refleksavać vielmi spakojna (…) pasprabavać arhumientami pryjści da niejkaj vysnovy, jakaja nikoha nie budzie razdražniać. (…) Ty słuchaješ jaho i pahadžaješsia, pahadžaješsia z arhumientami i prychodziš da hetaj vysnovy».
«U jaho vialikaja moža być pierśpiektyva jak u palityčnaha analityka. I pry hetym u jaho jość taja pryvabnaść, jakaja robić jaho čałaviekam, jakomu daviaraješ», — davodzić Chalezin.
Ciapier čytajuć
Žonka ahienta-kachanka Anžaliki Mielnikavaj źviazanaja z arhanizacyjaj Ruskaja madel efiektyŭnaha spakušeńnia11
Kamientary
Tak-tak chłopcy, heta vaš ahulny uzrovień pustoj havarylni, - nikoha nie razdražniać, usim padabacca, ni za što nie adkazvać. Siońnia adno, zaŭtra druhoje. Piena.