Mužčyna sprabavaŭ pravieźci hašyš u ciahniku. Jaho ŭniuchaŭ słužbovy sabaka
Supracoŭniki milicyi zatrymali pasažyra ciahnika Sankt-Pieciarburh — Hrodna pa padazreńni ŭ niezakonnym abarocie narkotykaŭ.
Na najaŭnaść zabaronienych rečyvaŭ u adnym z adździaleńniaŭ płackartnaha vahona pakazaŭ słužbovy sabaka, jaki supravadžaŭ milicyjantaŭ. Padazreńnie vyklikaŭ bahaž mužčyny 1985 hoda naradžeńnia, jaki nakiroŭvaŭsia ŭ Hrodna, dzie płanavaŭ nabyć ihličnyja raśliny dla dalejšaha ich prodažu na terytoryi inšaj krainy, paviedamlaje Dziaržaŭny kamitet sudovych ekśpiertyz.
Dla asabistaha nadhladu mužčyna byŭ dastaŭleny ŭ Hrodzienski RAUS. U adnym z kišeniaŭ jaho sumki-partmane supracoŭniki vyjavili palimierny pakiet z rečyvam raślinnaha pachodžańnia.
U chodzie praviadzieńnia ekśpiertyzy ŭstanoŭlena, što pradstaŭlenaje na daśledavańnie rečyva źjaŭlajecca niebiaśpiečnym narkatyčnym srodkam — hašyšam.
Zatrymany patłumačyŭ, što zabaronienaje rečyva nabyŭ niezadoŭha da adpraŭleńnia ciahnika, dla asabistaha ŭžyvańnia.
Zaviedziena kryminalnaja sprava. Viadoma, što raniej mužčyna da kryminalnaj adkaznaści nie pryciahvaŭsia.
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami21
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami
Pasoł Ukrainy pa pytańniach Biełarusi adkazaŭ na dyskusiju Viačorki i krytykaŭ Cichanoŭskaj: Vaša ŭzajemnaja nieprymalnaść adyhryvaje vielmi niekanstruktyŭnuju rolu4949
Kamientary