Žančyna paskardziłasia, što kiroŭca aŭtobusa nie adčyniŭ joj dźviery, choć jašče nie pajechaŭ. Ale ci abaviazany?
Žančyna ź Minska źviarnułasia ŭ ahienctva «Minsk-Naviny» sa skarhaj na kiroŭcu aŭtobusa «Minsktransa». Jana raskazała, što 22 maja kiroŭca nie adčyniŭ joj dźviery na prypynku, choć jana była tam z dvuma dziećmi, i ŭ toj momant išoŭ mocny doždž. Ale paśla zvarotu ŭ «Minsktrans» vyśvietliłasia, što kiroŭca dziejničaŭ pa instrukcyi.
Incydent adbyŭsia kala 17:20 na prypynku «Teatralny», maršrut aŭtobusa — №44. Pavodle žančyny, kiroŭca nie adčyniŭ dźviery i pajechaŭ dalej.
Paśla pravierki situacyi «Minsktransam» z vykarystańniem videarehistrataraŭ vyśvietliłasia, što kiroŭca pasadziŭ usich pasažyraŭ, jakija čakali na placoŭcy prypynku, začyniŭ dźviery paśla taho, jak usie zajšli i jon pierakanaŭsia, što ničoha nie pieraškadžaje dźviaram začynicca. Aŭtobus 20 siekundaŭ pačakaŭ zialonaje śviatło, a paśla taho pajechaŭ.
U momant, kali aŭtobus pačaŭ ruch na zialony sihnał, da jaho padbiehli mužčyna, žančyna i dvoje dziaciej. Pa praviłach pasažyry pavinny čakać transpart na placoŭcy abo na tratuary.
Kiroŭcu zabaroniena paŭtorna adčyniać dźviery paśla taho, jak jany byli začynienyja. Akramia taho, u toj momant jon užo pieraklučyŭ uvahu na levaje lusterka i rychtavaŭsia biaśpiečna pačać ruch. Tamu pretenzij da jaho być nie moža.
Ciapier čytajuć
Jany pajšli ad nas u 2025 hodzie. Zhadvajem biełarusaŭ, jakich my stracili1
Kamientary
Sidiaŝije v sałonie passažiry tožie kuda-to śpiešat, oni nie obiazany tieriať vriemia i dožidaťsia vsiech "opazdyvajuŝich"!
Transport dołžien chodiť po hrafiku.