Kim Čen Yn pad kavu i cyharetu panaziraŭ za artyleryjskimi vučeńniami
29 maja prajšli spabornictvy pamiž artyleryjskimi padraździaleńniami bujnych złučeńniaŭ Karejskaj narodnaj armii pa artyleryjskaj stralbie, paviedamlaje Paŭnočnakarejskaje telehrafnaje ahienctva.
Za vučeńniami naziraŭ hienieralny sakratar Pracoŭnaj partyi Karei, Staršynia dziaržaŭnych spraŭ KNDR, tavaryš Kim Čen Yn.
Paviedamlajecca, što kamandziry bujnych frantavych złučeńniaŭ asabista kiravali ahniom, artyleryjskija padraździaleńni ŭsich uzroŭniaŭ, jakija ŭdzielničali ŭ spabornictvach, «u poŭnaj miery prademanstravali dakładnuju techniku artyleryjskaha abstrełu, jakuju jany adšlifavali na intensiŭnych vučeńniach, sercam padtrymlivajučy kurs partyi «Treniroŭka — vyšej za ŭsio».
«Tavaryš Kim Čen Yn usłaviŭ artyleryjskija padraździaleńni za pośpiechi na spabornictvach, dzie jany pakazali ŭsiebakovuju praktyčnuju bajazdolnaść našych artyleryjskich uzbrojenych sił, što rychtujuć siabie jak niepieramožnyja bajavyja atrady, jakija znachodziacca ŭ poŭnaj hatoŭnaści da ŭstupleńnia ŭ lubuju vajnu i zdolnyja abaviazkova pieramahčy ŭ joj. Jon daŭ stanoŭčuju acenku tamu, što pa ŭsioj armii paśladoŭna ŭkaraniajucca navukovyja sistemy i režymy bajavych vučeńniaŭ i adbyvajecca jakasnaja źmiena ŭ umacavańni bajavych mahčymaściej artyleryjskich častak u adpaviednaści z asablivaściami raźvićcia sučasnaj vajny i tendencyjami jaje źmieny», — havorycca ŭ paviedamleńni.
«Ja nie sustrakaŭ nivodnaha vajskoŭca, chto b nie pavažaŭ Drapataha»: na čale USU staŭ kamandzir novaha pakaleńnia. Što ŭjaŭlaje saboj Michaił Drapaty?
Kamientary
[Zredahavana]