Starmier paviedamiŭ pra pierachod Vialikabrytanii ŭ stan «bajavoj hatoŭnaści»
Premjer-ministr Vialikabrytanii Kir Starmier abviaściŭ, što kraina pierachodzić u stan «bajavoj hatoŭnaści» ŭ adkaz na rost pahroz i hłabalnuju niestabilnaść, paviedamlaje The Guardian.
U svajoj pramovie ŭ Hłazha na abjekcie BAE Systems Kir Starmier padkreśliŭ, što novy abarončy płan Vialikabrytanii maje try asnoŭnyja napramki:
1) Padrychtoŭka krainy da vajennych dziejańniaŭ;
2) Uzmacnieńnie roli ŭ NATA;
3) Uviadzieńnie i paskareńnie vajskovych inavacyj.
Taksama płan praduhledžvaje pavieličeńnie abaronnych vydatkaŭ da 3% VUP.
Urad Vialikabrytanii maje namier:
- pabudavać jak minimum šeść novych zavodaŭ pa vytvorčaści bojeprypasaŭ;
- stvaryć hibrydny fłot z dronaŭ, karabloŭ, padvodnych łodak i samalotaŭ;
- u miežach partniorstva AUKUS (z ZŠA i Aŭstralijaj) pastavić da 12 novych udarnych padvodnych łodak;
- palepšyć umovy žyćcia i zabieśpiačeńnia dla vajskoŭcaŭ,
- ukłaści 15 miljardaŭ funtaŭ u prahramu raspracoŭki ŭłasnych jadziernych bojehałovak.
Starmier adznačyŭ, što pahrozy siońnia — najsurjoźniejšyja z časoŭ Chałodnaj vajny. Jon zhadaŭ pra vajnu va Ukrainie, novyja jadziernyja ryzyki, štodzionnyja kibierataki i ahresiŭnyja dziejańni Rasii ŭ pavietry i vodach Vialikabrytanii.
Jon padkreśliŭ: kraina musić być hatovaja abaranić mir praź siłu.
Ministr abarony Džon Chili, u svaju čarhu, dadaŭ, što ŭzmacnieńnie jadziernaha patencyjału — heta vyrazny sihnał Maskvie. U papiarednich płanach urada taksama było pavieličeńnie abaronnych vydatkaŭ da 2,5% VUP ź ciapierašnich 2,3% da 2027 hoda.
U abnoŭlenym abaronnym ahladzie Łondan pryznaje Rasiju «nieadkładnaj i surjoznaj» pahrozaj. U dakumiencie adznačajecca, što źjaŭleńnie dronaŭ, štučnaha intelektu i inšych technałohij kardynalna źmianiaje charaktar sučasnaj vajny.
Voś jak słabieła Amieryka i ŭzmacniaŭsia Kitaj HRAFIKI
«Streł u śpinu». Rasija abvinavaciła Sierbiju ŭ pastaŭcy bojeprypasaŭ Ukrainie
Tanki zamiest aŭtamabilaŭ. VPK zamianiaje aŭtapramysłovaść u jakaści hałoŭnaha ruchavika ekanomiki Hiermanii
Pucin užo pieramałoŭ amal usiu spadčynu savieckaha VPK. Ci źmienšyć heta intensiŭnaść vajny?
Ciapier čytajuć
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram23
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram
«Łukašenka pavinien panieści adkaznaść za saŭdzieł u rasijskaj ahresii». Ministr zamiežnych spraŭ Ukrainy raskazaŭ pra novuju palityku ŭ dačynieńni da Biełarusi2424
Kamientary