U Rasii ciapier mohuć pieraśledavać za ekzamien pa anhlijskaj movie IELTS
Arhanizatara ekzamienu, British Council, u Rasii pryznali «niepažadanaj» arhanizacyjaj, piša «Ruskaja słužba Bi-bi-si».
Hienprakuratura Rasii śćviardžaje, što British Council pad vyhladam «adukacyjnaj i kulturnickaj dziejnaści» prasoŭvaje «doŭhaterminovyja intaresy i kaštoŭnaści ŭ śfiery adukacyi, kultury i maładziožnaj palityki».
Akramia taho, śćviardžaje viedamstva, arhanizacyjaj «aktyŭna prapahandujecca i padtrymlivajecca zabaronieny ŭ našaj krainie ŁHBT-ruch».
Jak piša «Ruskaja słužba Bi-bi-si», status «niepažadanaj» arhanizacyi moža značyć kryminalnuju adkaznaść dla tych, chto, naprykład, zdaje ekzamien IELTS pa anhlijskaj movie.
Navat za raspaŭsiud adukacyjnych materyjałaŭ dla padrychtoŭki da hetaha ekzamiena moža pahražać štraf u 15 tysiač rasijskich rubloŭ (amal 190 dalaraŭ).
British Council — hramadskaja arhanizacyja, padspravazdačnaja MZS Vialikabrytanii. Jana padtrymlivaje navučańnie anhlijskaj movy, finansuje mižnarodnyja adukacyjnyja prahramy i raźvivaje kulturnyja suviazi pamiž Vialikabrytanijaj i inšymi krainami. Pracuje bolš čym u 200 krainach.
Kamientary