U paniadziełak, 9 červienia, stali viadomyja vyniki centralizavanaha ekzamienu pa biełaruskaj i ruskaj movie, jaki 11-kłaśniki zdavali 29 maja. Pra heta raspaviali ŭ pres-słužbie viedamstva.
Fota: BiełTA
CE pa dziaržaŭnych movach napisali 56,7 tysiač vypusknikoŭ škoł, u tym liku 46 tys. — pa ruskaj movie i 10,7 tys. — pa biełaruskaj movie.
U vyniku 100 bałaŭ pa dziaržaŭnych movach udałosia atrymać 979 navučencam, u tym liku 715 — pa ruskaj movie, 264 — pa biełaruskaj movie.
Nul bałaŭ atrymaŭ tolki adzin vypusknik.
Pa danych Minadukacyi, siaredni testavy bał pa ruskaj movie skłaŭ 62,6 bała, a pa biełaruskaj movie — 65,6 bała. U minułym hodzie vynik pa ruskaj byŭ trochi vyšej — 63,3 bały, a voś pa biełaruskaj prykmietna nižej — 61,7 bała.
Kamientary