«Vy za ŭsio adkažacie». Biełarusam na prajdzie va Urocłavie taksama pahražali nieviadomyja
Paśla incydentu na ŁHBT-prajdzie ŭ Vilni, dzie tym, chto nios bieł-čyrvona-bieły ściah u biełaruskaj kałonie, pahražali raspravaj ad imia nienazvanych biełaruskich vajaroŭ, nacyjalnaja simvolika znoŭ stała pryčynaj sutyknieńnia — hetym razam na prajdzie ŭ polskim Urocłavie.
Nasta Sasykbajeva, arhanizatarka biełaruskaj kałony na prajdzie va Urocłavie, pobač ź bieł-čyrvona-biełym ściaham i «Pahoniaj» ź viasiołkaj, jakija stali pryčynaj napadak na ŭdzielnikaŭ. Fota: Fundacja Spadczyna Białorusi, BelPride.Wro.
Marš roŭnaści prajšoŭ u toj ža dzień, što i Bałtyjski prajd u Vilni — u subotu, 7 červienia. Biełaruskaja płatforma na prajdzie była ŭpryhožana vialikim nadpisam «Kachańnie», bčb-sardečkami z nazvami biełaruskich haradoŭ, zapisanymi biełaruskaj łacinkaj, biełymi i čyrvonymi bałonikami i vialikim bieł-čyrvona-biełym ściaham z «Pahoniaj» na viasiołkavym fonie.
Nie pieršyja napadki
Dla biełaruskaj dyjaspary va Urocłavie heta ŭžo čaćviorty zapar hod, kali jana biare ŭdzieł u prajdzie. U pieršy hod heta byli prosta bčb-ściahi, jaki vyklikali škvał chejtu i pahroz u siecivie. Na druhi hod źjaviłasia viasiołkavaja «Pahonia». U hetym ža hodzie dadalisia majki z nacyjanalnymi arnamientami, vyšytymi ŭ viasiołkavych kolerach, što, pa słovach arhanizataraŭ, było sprobaj «pakazać naš kulturnicki kod».
Sioleta kala biełaruskaj płatformy była ŭzmocnienaja achova, bo pravakacyi zdaralisia i raniej: letaś mužčyna sprabavaŭ sarvać ściahi, a chłopiec na rovary kidaŭsia abrazami i zabaraniaŭ vykarystoŭvać biełaruskija ściahi.
«Vy za ŭsio adkažacie»
Palicyja akazałasia darečy, bo sioleta, jak i ŭ vypadku prajda ŭ Vilni, biełaruskaja nacyjanalnaja simvolika stała pryčynaj kanfliktu pamiž praciŭnikami ŁHBT i ŭdzielnikami biełaruskaj kałony.
Jak raskazała «Našaj Nivie» arhanizatarka biełaruskaj kałony Nasta Sasykbajeva, na prajdzie ŭ subotu źjavilisia troje nieviadomych maładych ludziej, apranutych u čornaje i chaki, z «Pahoniaj». Dvoje ź ich zastalisia prosta stajać i nazirać za biełaruskaj kałonaj, tady jak da ŭdzielnikaŭ prajda padyšoŭ treci, čyj tvar byŭ schavany pad šalikam-bałakłavaj.
Jon padyšoŭ da bčb-baniera i pačaŭ paziravać, byccam chacieŭ, kab jaho sfatahrafavali. Ale paśla pačaŭ pradjaŭlać arhanizatarcy pretenzii za vykarystańnie na prajdzie bieła-čyrvona-biełaha ściaha i za toje, što na «Pahoni» jość viasiołkavaja pałasa. Jon pytaŭsia va ŭdzielnikaŭ prajda, ci viedajuć jany, što heta za ściah i jakuju jon maje historyju.
Pavodle słoŭ Nasty, kali jana prapanavała nie svarycca, a prosta dapamahčy ŭpryhožyć płatformu zvyčajnymi bieł-čyrvona-biełymi bałonikami, chłopiec admoviŭsia, zajaviŭšy, što «navat blizka nie datykniecca da hetaj płatformy».
Kali arhanizatarka adkazała, što jany, viadoma, viedajuć i što heta za ściah, i jaho historyju, chłopiec, jak i ŭ vypadku kanfliktu ŭ Vilni, źviarnuŭsia da aŭtarytetu biełaruskich vajaroŭ:
«Vy choć viedajecie, za što zmahajucca našy chłopcy va Ukrainie?» — pytaŭsia jon.
«Viedajem — za demakratyčnyja kaštoŭnaści. A vy jak dumajecie, za što jany zmahajucca?» — adkazvała Nasta.
Biełaruskija ŭdzielniki prajda taksama kazali, što kali jany zmahajucca za demakratyčnyja kaštoŭnaści, to značyć zmahajucca i za tyja mienšaści, jakich pryhniatajuć.
Chłopiec u adkaz pačaŭ cisnuć na toje, jak, maŭlaŭ, buduć adčuvać siabie tyja chłopcy, jakija zmahajucca va Ukrainie, hinuć i traplajuć u pałon, kali «vy bieracie hety ściah i apahańvajecie jaho».
«Jany nie za heta zmahajucca», — zajaviŭ chłopiec udzielnikam prajda.
Udzielniki biełaruskaj kałony spytali, jak być sa ściahami roznych rajonaŭ, jakija masava ŭźnikali ŭ 2020 hodzie na asnovie bčb-ściaha i časta mieli niesurjozny, iraničny źmiest, ale zapaminalnyja i zrazumiełyja adsyłki na nazvy ci asablivaściej rajona.
«Heta taksama možna pryniać za niejkaje «apahańvańnie nacyjanalnaj simvoliki». Kali jaje źmianiali tady, to čamu nielha tut?» — pytalisia ŭdzielniki marša.
«Jany z nami čamuści razmaŭlali na rasiejskaj movie, a nie na biełaruskaj. Kali vy za Biełaruś i suprać Rasii, dyk čamu źviartajeciesia na rasiejskaj? U ich nie było adekvatnaha adkazu na heta, jany kazali: «A vy viedajecie, što rasiejskaja mova mnohich uratavała?». My nie zrazumieli, što heta za arhumient taki byŭ», — zhadvaje adna ź dziaŭčat.
Kali chłopcy zaŭvažyli, što ich pačali zdymać na kamieru, to pačali chavać svaje tvary i adychodzić ad biełaruskaj kałony.
Tady ž pasypalisia i pahrozy, chłopiec pačaŭ kryčać, što «vy za ŭsio adkažacie, my heta prosta tak nie pakiniem» i što fotazdymki ŭdzielnikaŭ «kudyści adašluć».
Źviartajučysia da arhanizatarki, jon dadaŭ: «Dobra, što i ty tam na hetych fotkach jość».
«Vy dadajacie ŭ naš ściah svaje pida*skija kolery!», — prakryčaŭ na raźvitańnie chłopiec u bałakłavie.
Arhanizatarka biełaruskaj kałony ličyć, što takija vypadki — heta «spłanavanaja akcyja, kab zapužać ludziej, kab jany nie vychodzili i nie zajaŭlali ab svaich pravach».
Pa słovach Nasty, infarmacyja pra zdareńnie dajšła da polskaj palicyi.
Niahledziačy na incydent, arhanizatary płanujuć i nadalej vykarystoŭvać nacyjanalnuju simvoliku na prajdach, bo ličać, što majuć na heta poŭnaje prava i što «Biełaruś pavinna prysutničać na takich mierapryjemstvach».
Ciapier ŁHBT-aktyvisty z apaskaj čakajuć anałahičnych pravakacyj na Varšaŭskim prajdzie, jaki projdzie ŭ centry polskaj stalicy 14 červienia. Čakajecca, što jon źbiare ŭ razy bolš biełarusaŭ, čym u Vilni ci Urocłavie, ale i bolš praciŭnikaŭ.
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha
Andrej Pavuk pryjšoŭ na prajd u Vilni ŭ formie milicyjanta z čyrvona-zialonym ściaham. Čamu?
U Rasii zatrymali supracoŭnikaŭ vydaviectva «Eksmo» pa spravie ab ekstremiźmie z-za «prapahandy ŁHBT»
«Jany kryvadušniki prosta». Biełaruski nacyjanalist vykazaŭsia pra «pravy razvarot», Trampa, prarasijskaść i mihrantaŭ nie ź Biełarusi
Ciapier čytajuć
Dyk usio ž ci biaśpiečny Telegram i dla jakich metaŭ biaśpiečny? Voś što jasna na siońnia2
Dyk usio ž ci biaśpiečny Telegram i dla jakich metaŭ biaśpiečny? Voś što jasna na siońnia
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
Kamientary
Ausiež Tutaka byli ińšyja ściahi stužki ab adkul chto ?Ci "viasiełkavyje" vykarystoŭvajut uvohule dziarž.symvoliki svaju ? Janyž internacyjanalisty hłabalisty..