Irancy ŭciakajuć z bujnych haradoŭ, na darohach zatory — Nietańjachu abiacaje novyja ŭdary
Niekatoryja žychary Tehierana pačali pakidać stalicu Irana na fonie paniki, jakaja achapiła krainu praz eskałacyju kanfliktu ź Izrailem.
Šmat chto nakiroŭvajecca na poŭnač, u bok Kaśpijskaha mora, dzie bolš sielskija i izalavanyja miaściny. Ale, jak paviedamili CNN žychary, darohi nastolki pierahružanyja, što pieramiaščacca vielmi składana.
Adna siamja, jakaja pažadała zastacca ananimnaj, vyrašyła pakinuć Tehieran razam z dvuma małymi dziećmi i pažyłymi baćkami.
«Ja nie chaču pakidać svoj dom, ale ja nie źbirajusia padviarhać svaich maleńkich dziaciej takoj niebiaśpiecy, — skazaŭ mužčyna. — Spadziajusia, što ZŠA ŭmiašajucca i spyniać ataki z abodvuch bakoŭ».
U horadzie Šyraz utvarylisia doŭhija čerhi na zapraŭkach. Žychary taksama pačali masava skuplać pradukty, vadu i dziciačyja padhuźniki.
Pa horadzie bačna aŭtamabili, nabityja siemjami z valizami i butlami z vadoj, pryčeplenymi da dachu, — mnohija pakidajuć horad i nakiroŭvajucca ŭ sielskuju miascovaść.
Premjer-ministr Izraila Bińjamin Nietańjachu paabiacaŭ «nanieści ŭdary pa kožnym abjekcie i kožnaj celi režymu ajatoł».
Izrail zaklikaŭ evakuiravacca žycharoŭ Irana, jakija žyvuć kala zbrojevych zavodaŭ.
Iran zajaviŭ, što hatovy zaklučyć pahadnieńnie, jakoje harantuje adsutnaść u jaho jadziernaj zbroi, i patrabuje spynić Izrail
Chusity ŭpieršyniu zajavili pra sumiesny ź Iranam udar pa Izraili
Častka iranskich rakiet iznoŭ prabiła «Žalezny ščyt» Izraila, adzin hmach razburany daščentu
Iran pahražaje pierakryć Armuzski praliŭ. Čym heta pahražaje Jeŭropie i śvietu?
Kamientary