Іранцы ўцякаюць з буйных гарадоў, на дарогах заторы — Нетаньяху абяцае новыя ўдары
Некаторыя жыхары Тэгерана пачалі пакідаць сталіцу Ірана на фоне панікі, якая ахапіла краіну праз эскалацыю канфлікту з Ізраілем.
Шмат хто накіроўваецца на поўнач, у бок Каспійскага мора, дзе больш сельскія і ізаляваныя мясціны. Але, як паведамілі CNN жыхары, дарогі настолькі перагружаныя, што перамяшчацца вельмі складана.
Адна сям'я, якая пажадала застацца ананімнай, вырашыла пакінуць Тэгеран разам з двума малымі дзецьмі і пажылымі бацькамі.
«Я не хачу пакідаць свой дом, але я не збіраюся падвяргаць сваіх маленькіх дзяцей такой небяспецы, — сказаў мужчына. — Спадзяюся, што ЗША ўмяшаюцца і спыняць атакі з абодвух бакоў».
У горадзе Шыраз утварыліся доўгія чэргі на запраўках. Жыхары таксама пачалі масава скупляць прадукты, ваду і дзіцячыя падгузнікі.
Па горадзе бачна аўтамабілі, набітыя сем’ямі з валізамі і бутлямі з вадой, прычэпленымі да даху, — многія пакідаюць горад і накіроўваюцца ў сельскую мясцовасць.
Прэм’ер-міністр Ізраіля Біньямін Нетаньяху паабяцаў «нанесці ўдары па кожным аб’екце і кожнай цэлі рэжыму аятол».
Ізраіль заклікаў эвакуіравацца жыхароў Ірана, якія жывуць каля зброевых заводаў.
Іран заявіў, што гатовы заключыць пагадненне, якое гарантуе адсутнасць у яго ядзернай зброі, і патрабуе спыніць Ізраіль
Хусіты ўпершыню заявілі пра сумесны з Іранам удар па Ізраілі
Частка іранскіх ракет ізноў прабіла «Жалезны шчыт» Ізраіля, адзін гмах разбураны дашчэнту
Іран пагражае перакрыць Армузскі праліў. Чым гэта пагражае Еўропе і свету?
Каментары