Dyrektarku pieciarburhskaj kniharni aštrafavali na 250 dalaraŭ za knihu biełaruskaha palitviaźnia
Dyrektarku pieciarburhskaj kniharni «Padpisnyja vydańni» Alenu Kujbyšaŭski sud aštrafavaŭ na 20 000 rasijskich rubloŭ (253 dalary) za ŭdzieł u dziejnaści zamiežnaj abo mižnarodnaj arhanizacyi, u dačynieńni da jakoj pryniata rašeńnie ab pryznańni jaje dziejnaści niepažadanaj na terytoryi Rasijskaj Fiederacyi (artykuł 20.33 KaAP RF).
Padstavaj staŭ prodaž knihi biełaruskaha palitviaźnia Ihara Alinieviča «Jedu v Mahadan».
Jak pisałasia raniej, adzin čałaviek nabyŭ hetuju knihu jašče 27 śniežnia. A pakolki vydała jaje arhanizacyja ABCF, pryznanaja ŭ Rasii niepažadanaj, prodaž knihi kvalifikavali jak udzieł u jaje dziejnaści i skłali na Arłovu administracyjny pratakoł.
Anarchist Ihar Alinievič za knihu, napisanuju ŭ turmie, u 2013 hodzie atrymaŭ premiju Franciška Alachnoviča — uznaharodu za tvory, napisanyja ŭ niavoli. U 2016 hodzie jaho adznačyli taksama Nacyjanalnaj premijaj imia Viktara Ivaškieviča za advahu ŭ abaronie pravoŭ čałavieka.
Iharu ciapier 41 hod. U 2020 hodzie jaho zatrymali, a paźniej jon byŭ asudžany na 20 hadoŭ pazbaŭleńnia voli pavodle niekalkich artykułaŭ — za niezakonnyja dziejańni sa zbrojaj, teraryzm i kantrabandu niebiaśpiečnych materyjałaŭ. Paśla prysudu jaho pieraviali ŭ žorstkija ŭmovy ŭtrymańnia ŭ turmie ŭ Žodzinie, dzie, pavodle redkaj infarmacyi, jon nieadnarazova traplaŭ u štrafny izalatar i navat u turemny špital.
Žycharka Daniecka zajechała praź Biełaruś va Ukrainu, kab pamianiać pašpart i pajechać žyć u Jeŭropu. Akazałasia, pierad tym jana vajavała za Rasiju1010
Žycharka Daniecka zajechała praź Biełaruś va Ukrainu, kab pamianiać pašpart i pajechać žyć u Jeŭropu. Akazałasia, pierad tym jana vajavała za Rasiju10
«Z rasijan-naviednikaŭ pracentaŭ 70 akazvalisia vatnikami». Eks-hid z muzieja VAV, jakoha zatrymlivali jaho ž ekskursanty, ciapier papularny ŭ Varšavie — pahutaryli ź im1414
Kamientary