NATA pierastanie dzialicca detalami vajskovaj dapamohi Ukrainie. Zrazumieli, što heta dapamahaje Pucinu
NATO bolš nie budzie apubličvać padrabiaznaści pra pastaŭki zbroi va Ukrainu. Takoje rašeńnie pryniata dla taho, kab uskładnić Rasii płanavańnie vajennych apieracyj. Pra heta paviedamili pradstaŭniki troch krain aljansu napiaredadni samitu, jaki adbudziecca ŭ Haazie 24—26 červienia, piša The Moscow Times.
Heta nie pieršy vypadak zasakrečvańnia danych: Hiermanija ŭžo spyniła publikavać źviestki ab pieradačy Ukrainie dalnabojnych rakiet Taurus, a paźniej i ŭvohule zasakreciła ŭsiu infarmacyju, jakaja tyčycca vajskovaj dapamohi.
«Spačatku my vykładali ŭsio, navat kolkaść rakiet i snaradaŭ. Potym zrazumieli, što heta dapamahaje Pucinu, a nie hramadstvu», — raskazaŭ niamiecki dypłamat.
Pavodle krynic The Moscow Times, u NATA rastuć pieraściarohi, što Rasija skarystoŭvaje praźmiernuju adkrytaść aljansu. Uvieś źmiest publičnych vystupaŭ i pres-kanfierencyj amal imhnienna źjaŭlajecca ŭ telehram-kanałach, jakija, jak adznačajecca, uvažliva sočać za infarmacyjaj.
Asablivuju cikavaść rasijskija ŚMI prajaŭlajuć da sustreč ministraŭ z pradstaŭnikami Ukrainy — naprykład, paśla pieramoŭ ź ministram abarony Rustemam Umieravym, kali NATA vyrašyła vydzielić Kijevu €20 miljardaŭ vajskovaj dapamohi na 2025 hod.
Krynicy adznačajuć, što rasijskija telekanały aktyŭna analizujuć zajavy NATA i padajuć ich u spryjalnym dla Kramla śviatle. Taksama vykarystoŭvajecca taktyka dyskredytacyi zachodnich lidaraŭ praz dezynfarmacyju: naprykład, suprać prezidenta Francyi Emanuela Makrona, kanclera Hiermanii Frydrycha Mierca i premjer-ministra Vialikabrytanii Kira Starmiera raspaŭsiudžvalisia fejki, u tym liku sproby pradstavić zvyčajnuju survetku jak pakiet z narkotykami.
Heta častka bolš šyrokaj infarmacyjnaj stratehii Kramla, jakaja nakiravanaja na stvareńnie skandałaŭ i padryŭ davieru da krain, što padtrymlivajuć Ukrainu.
Rute: NATA treba pavialičyć vydatki na SPA ŭ piać razoŭ
U MZS Rasii patrabujuć ad NATA pakinuć Uschodniuju Jeŭropu
Naščadka emihrantaŭ ź Biełarusi pryznačyli hałoŭnakamandujučym abjadnanych siłaŭ NATA ŭ Jeŭropie
Apošniaja bujnaja kraina NATA jašče nie padtrymała patrabavańnie Trampa tracić 5% na abaronu
Ciapier čytajuć
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha14
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu112112
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu112
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było3737
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było37
U Vialikaj Miadźviadcy adšukali mahiłu brata Ihnata Damiejki. Pahladzicie, jak spaskudzili carkvu pobač, jakuju naviedvaŭ suśvietna viadomy navukoviec1515
Kamientary