«Ciapier viaducca techničnyja raboty».
«Arešnik» budzie raźmieščany na terytoryi Biełarusi da kanca hoda, ličyć dziaržaŭny sakratar Rady biaśpieki Alaksandr Valfovič. U razmovie z «Źviazdoj» jon dadaŭ, što ciapier viaducca techničnyja raboty, vyznačajucca miescy dla bazavańnia rakiet.
«Idzie ciapier uzmocnienaja praca, adpracoŭka hetych pytańniaŭ, tamu što tyja rašeńni, jakija staviacca pierad nami prezidentami, Viarchoŭnym hałoŭnakamandujučym Rasii, hałoŭnakamandujučym Uzbrojenymi siłami Respubliki Biełaruś, jany nie mohuć, nie padlahajuć asprečvańniu», — skazaŭ Valfovič.
Dakładnuju kolkaść «Arešnika», jakuju płanujecca raźmiaścić u Biełarusi, dziaržsakratar nazyvać admoviŭsia.
Kamientary