Spravu suprać Maksima Urbanoviča — brata Dzianisa Urbanoviča, jaki abaraniaje Ukrainu, razhledzić sud Zavodskaha rajona Minska. Praces pačniecca 27 červienia. Mužčynu abvinavačvajuć pavodle «narodnaha» artykuła, piša «Biełsat».
Minski Śledčy kamitet nakiravaŭ kryminalnuju spravu suprać Maksima Urbanoviča ŭ sud Zavodskaha rajona stalicy. Pavodle infarmacyi «Biełsata», Maksima, brata lidara «Maładoha frontu» Dzianisa Urbanoviča, jaki vajuje va Ukrainie ad samaha pačatku poŭnamaštabnaha ŭvarvańnia rasijskich vojskaŭ pad pazyŭnym «Vaŭkałak», abvinavačvajuć pavodle «narodnaha» artykułu 342 Kryminalnaha kodeksu (arhanizacyja i padrychtoŭka dziejańniaŭ, što hruba parušajuć hramadski paradak, abo aktyŭny ŭdzieł u ich).
U spravie jašče niekalki artykułaŭ, ale jakija mienavita, pakul nie viadoma.
Svajaki nie majuć kankretnaj infarmacyi, a brat Maksima Dzianis Urbanovič bolš za dva hady ź im nie maje stasunkaŭ.
2 krasavika ŭ kvateru, jakuju arandavaŭ Maksim Urbanovič, uvarvalisia siłaviki. Paśla pieratrusu Maksima advieźli na dopyt u KDB. Spačatku Maksima trymali ŭ SIZA KDB, a potym pieravieźli ŭ SIZA №1 što ŭ Kaladzičach.
27 červienia ŭ 11:30 u sudzie Zavodskaha rajona pačniecca sud. U Maksima niama advakata, tamu jon samastojna budzie abaraniać siabie ŭ sudzie. 17 červienia pravaabaroncy pryznali jaho palitviaźniem.
-
Ivan Prus raskazaŭ, jak nažyŭsia na 200 dalaraŭ, pasialiŭšy kinazorku va ŭbitaj kvatery kala zvałki ŭ Šabanach, abstaŭlenaj rečami ź jaho internata
-
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»
-
Litoŭskija pamiežniki znajšli na miažy ź Biełaruśsiu partyju cyharet na 260 tysiač jeŭra
Ciapier čytajuć
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»3
Kamientary