Kamanda Babaryki prakamientavała vyzvaleńnie Siarhieja Cichanoŭskaha
Kamanda Babaryki vitaje vyzvaleńnie Siarhieja Cichanoŭskaha i jašče 13 palitviaźniaŭ, jakoje adbyłosia 21 červienia.
«My rady za vyzvalenych i ich siemji — i spadziajemsia, što heta tolki pačatak.
Vyzvaleńnie 14 palitviaźniaŭ stała mahčymym dziakujučy pasrednictvu i nastojlivaj pracy Złučanych Štataŭ. My vysoka cenim paśladoŭnuju, pryncypovuju pazicyju ZŠA i ich hatoŭnaść damahacca prahresu tam, dzie zdavałasia, usio zajšło ŭ tupik. Heta — prykład taho, jak dypłamatyja prynosić realnyja vyniki», — adznačyła kamanda Babaryki.
Siastra Maryi Kaleśnikavaj Taćciana Chomič taksama padziakavała Štatam i aficyjnamu Minsku.
«Siońnia stała vidavočna: kazać treba nie paśla, a dziela vyzvaleńnia. Hetyja źmieny stali mahčymyja dziakujučy pieramovam. Jany nahladna pakazali, što mienavita dyjałoh zdolny prynosić realnyja, čałaviečyja vyniki.
Doŭhi čas pieravažała rytoryka, zhodna ź jakoj razmovy dapuščalnyja tolki paśla vyzvaleńnia ŭsich. Ale, niahledziačy na ščyruju matyvacyju — imknieńnie da spraviadlivaści, — hetaja pazicyja straciła realistyčnaść u ciapierašnich umovach.
Zaklikaju ŭsie baki praciahvać ruchacca pa hetym šlachu — dziela tych, chto dahetul za kratami, i dziela budučyni Biełarusi», — napisała Taćciana Chomič u instahramie.
-
Pačobut nie staŭ razmaŭlać z šaściorkami — ni z Pratasievičam, ni z Vaskrasienskim
-
Vaskrasienski: Azotnyja ŭhnajeńni i sankcyi ŭ adnosinach fiz– i jurasobaŭ — i 1135 palitviaźniaŭ buduć u Vilni
-
«Pryvieźli maju žonku i skazali, što jaje buduć katavać». Para z Ukrainy raskazała žachlivuju historyju pieraśledu ŭ Biełarusi
Kamientary