Śviatłana Aleksijevič pavinšavała Cichanoŭskuju z vyzvaleńniem muža
Błohier Siarhiej Cichanoŭski pravioŭ za kratami bolš za 5 hadoŭ.
Łaŭreatka Nobieleŭskaj premii Śviatłana Aleksijevič pavinšavała Śviatłanu Cichanoŭskuju z vyzvaleńniem muža Siarhieja, paviedamlaje Biełaruski PEN.
«Ja vielmi radaja, što vy ŭdvaich užo i što vaš bol — nu chacia b adzin bol — na adzin bol mienšy!» — skazała Aleksijevič.
Pavinšavała Śviatłana Aleksijevič i vyzvalenuju siońnia vykładčycu MDŁU Natallu Dulinu: «Ja vielmi radaja, što vy na voli i što vy znoŭ budziecie bačyć svaju mamu, svaich studentaŭ! I my vas usich vielmi lubim! Vyklikała zachapleńnie, jak vy siabie pavodzili, vašaja hodnaść!»
Nahadajem, 21 červienia byli vyzvalenyja 14 palitviaźniaŭ u vyniku vizitu ŭ Minsk śpiecpradstaŭnika prezidenta ZŠA Donalda Trampa Kita Kiełaha.
Kamientary