На прэс-канферэнцыі ў Вільні, прысвечанай вызваленню 14 палітвязняў, літоўскі карэспандэнт задаў пытанне Сяргею Ціханоўскаму наконт Крыма і вайны ва Украіне.
«Я ніколі не быў прарасейскім палітыкам, я заўсёды быў беларусам, беларускім палітыкам», — сказаў Ціханоўскі.
Паводле яго слоў, ён ніколі не меў расейскага пашпарта.
«У мяне быў бізнес, у мяне былі офісы ў Маскве, Кіеве і кампанія ў Літве. І гэта ўсё. Я ніколі не быў прарасейскім, гэта фэйкі. Наш супольны вораг — гэта пуцінская ўлада. Пакуль яна не рухне, ніякай перамогі ў Беларусі не будзе».
Пра сваю паездку ў Крым у 2017 годзе ён кажа: я тады не быў палітыкам і не задумваўся пра палітычныя пытанні, ездзіў туды як паломнік.
Я не ставіўся [да Крыма] «наш, «ваш». Я ўвогуле пра гэта не думаў. Я тады не займаўся ні палітыкай, ні блогерствам, нічога. Я быў звычайным грамадзянінам, звычайным беларусам. Беларусы ездзілі туды, і мы ездзілі туды адпачываць у 2011 годзе.
«Я абсалютна падтрымліваю Украіну. Прэзідэнту Зяленскаму выпала такая цяжкая доля. Вось тое, што я перажыў, гэта нішто ў параўнанні з тым, што ён перажыў. Ён для мяне герой. Я яго падтрымліваю абсалютна і безраздзельна».
Цяпер чытаюць
Віцебскі вядучы пажартаваў на закрытым мерапрыемстве. Праз дзве гадзіны да яго прыехала міліцыя праз данос21
Віцебскі вядучы пажартаваў на закрытым мерапрыемстве. Праз дзве гадзіны да яго прыехала міліцыя праз данос
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1313
Каментары