U Hrodnie ŭłady ŭzialisia za niesankcyjanavanuju rekłamu — baniery na aharodžach daviałosia pazdymać
Rekłamnyja baniery na aharodžach sychodziać u minułaje.
Jak stała viadoma «Našaj Nivie», u Hrodnie miascovyja ŭłady ŭzialisia za niesankcyjanavanuju rekłamu. Pradpisańni ad vykankama vydavali aŭtamabilnym parkoŭkam i inšym arhanizacyjam, jakija raźmiaščali rekłamu na płocie. Na mnohich parkoŭkach, aproč samoj stajanki, mieściacca aŭtakamisy, časam šynamantažy, arenda pryčepaŭ, budaŭničaj techniki i h.d. Naturalna, što ŭsie hetyja arandatary mieli patrebu ŭ tym, kab rekłamavać svaje pasłuhi.
Vyrašałasia hetaje pytańnie vielmi prosta — viešali na aharodžu parkoŭki rekłamny banier. Aproč rekłamy svaich arandataraŭ, parkoŭki časam raźmiaščali i inšuju, pieraŭtvarajučy aharodžu ŭ biłbord.
Miascovyja ŭłady ŭzialisia za hetaje pytańnie prykładna ź siaredziny viasny, šmat dzie baniery źnikli. Achvotnym praciahvać raźmiaščać rekłamu prapanavali jaje ŭzakonić i płacić admysłovy rekłamny zbor. U inšym vypadku — štraf.
Raźmiaščać rekłamu na aharodžy nielha, pakul jahony ŭłaśnik nie atrymaje na jaho pašpart rekłamnaj kanstrukcyi. Paśla taho jak ułady pačali zmahacca ź niezakonnaj rekłamaj, zamiest raźmiaščeńnia jaje na aharodžy niekatoryja vyrablajuć admysłovuju kanstrukcyju, jakuju prosta ŭstaloŭvajuć pobač — zdalok vyhladaje, byccam banier visić na aharodžy.
Mnohija biznesy, jakija sutyknulisia z patrabavańniem źniać niaŭzhodnienyja baniery, vyrašyli admovicca ad ich naohuł, pakolki nie chočuć zajmacca padrychtoŭkaj dakumientaŭ i vyrabam dadatkovaj kanstrukcyi, na jakuju možna budzie lehalna pieraviesić banier, što raniej byŭ na aharodžy.
Nahadajem, što na pačatku hoda aktyŭna abmiarkoŭvałasia situacyja ŭ stalicy, kali žychary «Minsk-Śvietu» pavinny byli atrymać rekłamny pašpart i płacić za nazvy na damach «Piekin», «Polka» i inšyja, pakolki farmalna nazvy ŽK — heta taksama rekłama.
Pamior paet Uładzimir Karyzna, aŭtar słoŭ da ciapierašniaha dziaržaŭnaha himna Biełarusi8
Pamior paet Uładzimir Karyzna, aŭtar słoŭ da ciapierašniaha dziaržaŭnaha himna Biełarusi
Viadomy partret Kahanca akazaŭsia savieckim fejkam, zatoje znajšłosia adzinaje fota archieołaha Tatura. Razhadanyja fotatajamnicy Biełaruskaha muzieja ŭ Vilni
Kamientary