Kožnaja šylda — rekłama. Kolki daviadziecca žycharam «Minsk-Śvietu» płacić za «Piekin», «Polku» i inšyja nazvy?

— Pytańnie pieršapačatkova pastaŭlena niapravilna. Pryhožyja i mieładyčnyja nazvy nie pieraškadžajuć nikomu, ale raźmiaščać navat samuju efiektnuju šyldu biez uzhadnieńnia i biez atrymańnia adpaviednaha rekłamnaha pašparta — heta parušeńnie zakona, — adznačaje načalnica adździeła kantrolu za rekłamaj i abarony pravoŭ spažyŭcoŭ Minharvykankama Iryna Letniak. — Zakon adziny dla ŭsich. Čamu jurydyčnyja asoby i arhanizacyi, ź jakimi zaklučana 23 tysiačy damovaŭ, płaciać za rekłamnyja kanstrukcyi, a ŭ «Minsk-Śviecie» heta pavinna raźmiaščacca biaspłatna? Niekatoryja paraŭnoŭvajuć hetyja nazvy z numaracyjaj damoŭ i nazvami vulic, ale heta niapravilnaje paraŭnańnie».

«Fantazijnyja nazvy «Vankuvier», «Afiny», «San-Francyska» stvorany, kab pryciahnuć uvahu, prasoŭvać budynki abo rajony.

Heta fantazijnyja, inakš kažučy — vydumanyja nazvy, jakija padtrymlivajuć cikavaść albo prasoŭvajuć toje ci inšaje budynak abo zbudavańnie (u zaležnaści ad taho, jakaja meta zakładvałasia ŭ heta pieršapačatkova). Takaja infarmacyja nie źjaŭlajecca abaviazkovaj i tym bolš nie maje ničoha ahulnaha z numaracyjaj damoŭ i nazvami vulic u transpartnym aryjentavańni. Bolš za toje, dadzienyja abaznačeńnia nie źjaŭlajucca šyldami, tamu što ŭ takich damach adsutničajuć adpaviednyja abjekty absłuhoŭvańnia.

«I zhodna z rastłumačeńniem MARH, taki nejminh dla raźmiaščeńnia patrabuje atrymańnia dazvołu i zaklučeńnia damovy ź miascovym vykanaŭčym i rasparadčym orhanam, jaki praduhledžvaje apłatu za vykarystańnie haradskoha asiarodździa (asiarodździa nasielenaha punkta ci inšych terytoryj) u rekłamnych metach. Ale zabudoŭščyk takoha dazvołu ŭ Minharvykankama nie atrymlivaŭ. Adpaviedna, heta źjaŭlajecca parušeńniem punkta 1 artykuła 13 Zakona Respubliki Biełaruś «Ab rekłamie»: raźmiaščeńnie srodkaŭ vonkavaj rekłamy biez najaŭnaści ŭ rekłamaraspaŭsiudžvalnika dazvołu adpaviednaha vykanaŭčaha kamiteta zabaraniajecca», — padkreśliła čynoŭnica.

«Viartajučysia da finansavaha pytańnia, jakoje tak aburaje mnohich. Dla kožnaha žychara płata za pryhožy nejminh budzie ekvivalentnaja koštu… adnoj zapałki, — kaža Iryna Letnik. — Košt adnaho «kvadrata» rekłamnaha pola raŭniajecca adnoj bazavaj vieličyni, abo 42 rublam. Kali razhladać prykład niepasredna nazvaŭ na padjaznych hrupach (pamiery varjirujucca ad 0,65 da 1,2 kv.m) z ulikam usich panižalnych kaeficyjentaŭ, to štomiesiačny košt adnaho «kvadrata» rekłamy składzie ŭ siarednim ad 7 da 10 rubloŭ».

Paviedamlajecca, što suma budzie zakanamierna padzielena na ŭsich žycharoŭ kankretna ŭziataha doma.

«Adnak razhledzim situacyju, kali žychary ŭstanuć u pozu i płacić admoviacca. Maŭlaŭ, vam treba, vy i demantujcie. Tady zapłacić pryjdziecca daražej. Demantaž zrobiać śpiecyjalnyja słužby, a vydatki buduć spahnanyja ŭ sudovym paradku. Prava na žyćcio maje lubaja šylda, nadpis, kanstrukcyja, u jakoj jość adpaviedny rekłamny pašpart, — dadaŭ dyrektar Minskaha haradskoha centra inžynirynhavych pasłuh Leanid Noryk.

— Dla prykładu, carkva na vuł. Hurskaha, 48. Na fasadzie raźmieščany nadpis «Błahadać», i na jaje atrymany pašpart i ažyćciaŭlajucca płaciažy ŭ biudžet. Anałahičnyja situacyi z usim znajomymi kinateatrami — tyja ž «Kijeŭ», «Kastryčnik» i inšyja — abo haścinicaj «Minsk», univiermaham «Biełaruś». Jašče adzin nie samy vidavočny prykład — dylerski centr na praśpiekcie Partyzanskim. Pa sutnaści, jurydyčnaja asoba prosta raźmiaściła adras. Ale z ulikam vizualnaha składnika — «Partyzanski, 162», vykananaha šryftam vialikaha pamieru, a taksama farmatu raźmiaščeńnia, — jon i ŭsprymajecca, i źjaŭlajecca kamiercyjnaj rekłamaj. I dadzieny nejminh aformleny jak rekłamny abjekt i apłačvajecca ŭ biudžet adpaviedna», — pryvioŭ prykłady čynoŭnik.

• 1
• 1
• 3
• 2
• 0
• 0
• 3
• 0